سهير جودة تهنئ الأهلي على تتويجه بالسوبر على حساب الزمالك

هنأت الإعلامية سهير جودة النادي الأهلي، بتتويجه ببطولة السوبر المصري للمرة 12 في تاريخه، على حساب الزمالك، بعد اللقاء الذي جمع الفريقين بالامس على ملعب هزاع بن زايد في دولة الامارات، وانتهى اللقاء بفوز الاهلي بهدفين دون رد، مشيرة: «لازم قطبي الكرة المصرية يراجعوا نفسهم الحقيقة، ماتش امبارح لا يعبر عن الكرة المصرية ولا يعبر عن فريقين كبار، وكان لقاء عادي يمكن حتى مدخلش مرحلة المتوسط».

تصريحات سهير جودة 

وقالت سهير في برنامجها الذي يحمل اسم «الستات»، والمذاع عبر فضائية النهار،: «وبما اننا في قارة افريقيا فلازم نقارن مستوى فرقنا بالفرق الافريقية، والمنتخب المصري مش لازم يتقارن بمستواه في السابق، لازم المقارنة تبقى في الوقت الخالي، والفرق الافريقية بقت عاملة ازاي واحنا بقينا ازاي، احنا لية مش في كأس العالم، مستوى الكرة المصرية علية مليون علامة استفهام ومليون علامة تعجب مقارنة بالفرق الاخرى وبالطريقة الجديدة في الكورة مش بمستوانا في الكورة».

سهير جودة 

وأضافت: «الفريق المصري لما يوصل كأس العالم، ويلعب بصورة مشرفة، ويوصل للأدوار النهائية، يبقى وقتها نقول ان عندنا مستوى جيد في الكرة، غير كدة يبقى احنا لسة عندنا أمنية كروية ولسة بنتهجى  يعني ايه كورة والعالم جنبنا بيتقدم والفرق الافريقية والعربية بتسبقنا واحنا اصلا كنا اصل القصة».

وعلقت الاعلامية سهير جودة، على أغنية النجمة شاكيرا، التي طرحتها مؤخرا، والتي حققت نجاحا كبيرا، قائلة: «شهرة المرأة قد تجعلها الاكثر تعاسه لأن المراة المشهور عادة لايصدقها الرجل 
وتكون مهزومة ومجروحه اكثر من أي امرأة عاديه، ولاشي يعوض كسرة القلب والخذلان».

وأضافت سهير جودة في برنامجها الذي يحمل اسم «الستات» والمذاع عبر فضائية «النهار»، قائلة: «الست المشهورة دايما مهزومة دايما عكس ما الناس شيفاها، ودايما الرجل لا يثق في الست المشهورة ومبيصدقهاش، بيفتكر ان عندها كتير، ممكن يبقى في ملايين بيحبوها بس هي قلبها مع حد واحد ودي بتبقى مشكلة الراجل»

وأوضحت سهير: «الست عموما لما بيتكسر قليها يتبقى مأزومة ومهزومة، لكن الست المشهورة بتكون ازمتها وكسرتها اكتر من الست العادية عشان بتكون تحت الانظار، زي ما بنشوف شاكيرا كده في الفيديو، وان هي مش بس قلبها وجعها لأ ده كمان طلع من مكانه وبقى في جواها فراغ وهي بتحاول تحافظ عليه وبتمشي تخبط في اي حد، وحد بيديها كتف، وده دليل ان لو حد بيعلن على الملأ ممكن الناس متتعاطفش معاه».