أبرز تصريحات بهاء سلطان في "صاحبة السعادة"

الفجر الفني

بهاء سلطان
بهاء سلطان

 

حل المطرب بهاء سلطان، ضيفًا على برنامج أنغام الذي يعرض على شبكة قنوات dmc، حيث يعرض في تمام الساعة الـ 9 مساءً، وتحدث عن العديد من الأعمال والمحطات بحياته.

 

 

ويرصد  “الفجر الفني" أبرز تصريحات بهاء سلطان في الحلقة 

 


تامر حسني هو من أصبر علي لغناء "قوم اقف وانت بتكلمني"


كشف بهاء سلطان تفاصيل أغنية قوم أقف وانت بتكلمني، فهى من كلمات وألحان تامر حسني، وتامر أصر على بهاء سلطان أن يقوم بغناءها حيث قال بهاء: "أغنية قوم أقف وأنت بتكلمني كان مفاجأة للجمهور لأنها كانت مختلفة وكلامها مختلف وكانت صدمة للجمهور لكن  الجمهور حبها جدًا الحمد لله".

 

بهاء سلطان يكشف عن نوع غنائه المفضل

 

عندما سألته أنغام عن نوع الموسيقى الذي يحب سماعها كانت أجابته:"كنت بسمع وقتها الشيخ محمد عمران وموسيقى تركي وكنت بسمع حاجات كتير ومش بستوعبها، وقبل كده كنت بسمع أم كلثوم ومحمد عبد الوهاب وعلي الحجار حاول يساعدني زمان قبل ما أدخل الكورال".

 

مجموع بهاء سلطان بالثانوية العامة والسبب وراء دخوله كلية التربية الموسيقية


وأوضح بهاء سلطان خلال حديثه في برنامج أنغام مجموعه بالثانوية العامة قائلًا: "جبت 58 % في الثانوية العامة وأخويا نصحني أدخل كلية تربية موسيقية ولما دخلت الكلية كانوا بيختاروا فرقة عبد الوهاب للغناء وكنت بكسل في الأغاني".

 

 

بهاء سلطان يكشف تفاصيل أغنية "قلبك يا حول الله "

 

كشف بهاء لأول مرة تفاصيل أغنية قلبك يا حول الله معلقًا: "الأغنية مكنتش ليا هي كانت من ألحان الفنان تامر عاشور وتامر حالة لوحده وبنتعلم منه  
 

وتابع: أنا بحب الأغنية دي جدًا لغاية دلوقتي وأنا محظوظ بيها جدًا وأنا ببقى دايمًا محظوظ بالأغاني، ولو أنا اللي كنت بختار الأغاني لنفسي مكنتش وصلت للي أنا فيه دلوقتي لأني بكسل".

كلمات اغنية قلبك يا حول الله

قلبك يا حول الله بقى دلوقتي فاضي
كل شئ مات من جواه وإنت كدا راضي

وعامل فيها مش شايف
ومش عارف إيه معنى الحب
وعايش كل أيامك وأحلامك في وهم وكذب
خلاص دلوقتي يا خسارة
بقيت واحد معندوش قلب
حاجات كثير جواك ماتت
وأنا ساكت ماقولتش لاء
وسايب دمعي يتكلم وبتآلم وانا على حق
ح قولك كلمة من الآخر
أكيد قلبك ده عمره مادق.