غادة إبراهيم: "بصلي دايمًا في لوكيشن التصوير وبقفل الباب عليا"
حلت الفنانة غادة إبراهيم ضيفة على برنامج "قعدة ستات' الذي تقدمه الإعلامية مروة صبري ويذاع عبر قناة القاهرة اليوم، حيث كشفت عن طقوسها أثناء تصوير أعمالها الدرامية والسينمائية، مؤكدة أنها تواظب على الصلاة أثناء وقت التصوير ولكن دون معرفة أحد.
غادة إبراهيم تكشف عن مواظبتها على الصلاة
وقالت غادة إبراهيم خلال لقائها: “بصلي في لوكيشن التصوير ولكن مش قدام الناس وبخلي المساعدة بتاعتي تقفل الباب عليا وأنا بصلي، وبقولها متقولهمش إني بصلي قوليلهم إني مريحة أو بعمل أي حاجة”.
وأضافت غادة إبراهيم: بعمل كده لإني سمعت بوداني إن في فنانة كبيرة كانت بتصلي والباب مفتوح وواحد قال بص دي عاملة نفسها إنها بتصلي، وأنا مش حابة يتقال إني بستعرض أو كده لأن دي حاجة بيني وبين ربنا.
وأضافت غادة إبراهيم خلال حديثها: "معندناش وقت في اللوكيشن إننا نصلي يعني بنخطف الصلاة كده، وفي وجه تاني ممكن يقولك بص بتستعرض إنها بتصلي إزاي.. وبعدين دول إتكلموا على نجمة كبيرة بتصلي مش هيتكلموا عليا.
مواصفات فتى أحلام غادة إبراهيم
كما كشفت غادة إبراهيم عن مواصفات فتى أحلامها قائلة إنها تتمنى أن يكون به العديد من الصفات الجيدة مضيفة: "عايزاه محترم وراجل وعنده نخوة، يحبني من قلبه بجد، ميبقاش بخيل لأن البخل بيقتلني وبكره الكذب اللي بيكذب هيقتل وهيزني وهينصب وهيعمل كل حاجة".
وقالت إنها قدمت دور الإغراء مرة واحدة فقط في فيلم "الإمبراطورة" مع النجمة نادية الجندي، معقبة: "دلوقتي ما أقدرش أقدم دور إغراء، ولادي وإخواتي كبروا".
سبب فشل زيجاتها السابقة
كما تحدثت أيضُا عن فشل زيجاتها السابقة، وقالت: "وحياة ربنا لو زوجي ما قام بخيانتي، لكنا مستمرين لحد دلوقتي، أنا رمز للرومانسية والوفاء والحب، ولا أكره في حياتي إلا الكذب والخيانة".
وأكدت الفنانة غادة إبراهيم، إنها تستحق أن تكون في مكانة مهمة جدًا في المجال الفني، معقبة: "كل الناس بتقول غادة ممثلة تلقائية، المفروض أكون مكان نجمات كبار موجودين الآن".
ولفتت إلى أنها لم تخسر أي من صديقاتها بسبب الرجال، متابعة: "انا أخسر أي راجل في الدنيا عشان صاحبتي، ممكن الراجل يتعوض، لكن الصديقة لا تعوض".
