محمود سعد ينتقد قرار مصطفى كامل ويعلق: "مش هنخلي الناس تغني علي مزاجك!"

انتقد الإعلامي محمود سعد، نقيب المهن الموسيقية مصطفى كامل، بسبب الشروط التي وضعها مؤخرًا على مطربي الراب، بعدما ألزمهم بالغناء مع فرقة موسيقية وألا يقل عدد العازفين عن 6، وذلك عبر صفحته الشخصية موقع التواصل الإجتماعي "فيس بوك".

محمود سعد: الصحافة دبحت عدوية 

وقال محمود سعد: "أغنية (كله على كله لما تشوفه قوله)، لما كنا صغيرين كنا بنغنيها لكن الصحافة دبحوا عدوية".

محمود سعد عن قرار مصطفي كامل: مفيش حد يشترط على مطرب يغني ازاي!

وتابع: "شفت حفلة لويجز وشفت منظر رهيب فكرت إنها صورة مش حقيقية، ولكن حضرها 52 ألف والناس تهاجم ويجز، ولكني مستغرب شروط مصطفى كامل، لما قال لازم مطربي الراب يغنوا بفرقة دي حاجة عجيبة مفيش حد يشترط على مطرب يغني ازاي غير الملحن، الغنا ده حياة الروح لأنه الفن الوحيد اللي ممكن يمارسه أي حد في أي حتة وأي مناسبة، لأنه بيعبر عن الناس مش هنخلي الناس تغني على مزاجك، هو حر ليه تشتموه الغناء مزاج مكانش يبقى فيه فايزة ونجاة ووردة وشادية وأنغام وشيرين".

محمود سعد: ويجز بيأسس فن جميل تعالوا نساعده

وأكمل حديثة قائلا: "لما طلعوا الحنفية الناس قالوا محدش يتوضا من الحنفية لأنهم كانوا بيتوضوا من الترعة ودايما الجديد بيكون عامل قلق، الدنيا اتغيرت ويجز مش بيحتك بأمور سياسية ولا بيمس أمور دينية ولا بيقدم حاجات فيها إباحية، ويجز بيأسس لفن جميل تعالوا نساعده يمكن محتاج مساعدة، ومحتاج آراء داعمة وفي  52 ألف شخص نزلوا يسمعوه  في حفله الأخير وأغانيه على يوتيوب جايبة 100 مليون".

أحدث أعمال ويجز

يذكر أن كرح ويجز مؤخرا أغنية التي تحمل اسم "أميرة" التي حققت نجاحا كبيرا عبر قناتة "يوتيوب" وهي من كلمات ويجز وتوزيع آش.

كلمات أغنية أميرة

وتقول كلمات الأغنية: "إيه يا أميره عن يدي بعيده عايش عيشة غير العيشة وأنا على بابه أحلامي بسيطة ما عدا حلم إنى اكفيهاومعييش، ومنين هنجيب بشر بتجري بتجري بتجري وقرش خسيس بعلي حسي، بقول وبعيد يا زهر مالك، سيبنا نعيش أنا مش زي إمبارح، طمعت في الحاجات من امتى كانت فرقالى، غير لما الأميرة جت أنا مش زي إمبارح، طمعت في الحاجات من إمتى كانت فرقالى أنا مش زي إمبارح، طمعت في الحاجات من إمتى كانت فرقالي، غير لما الأميرة جت".