أسامة منير: 'متربوش عيالكم أوي.. الجيل دا غير جيلنا'

وجه الإعلامي أسامة منير، رسالة غريبة من نوعها لـ اولياء الأمور، وذلك في فيديو له عبر موقع التواصل الاجتماعي لتبادل الصور والفيديوهات القصيرة "انستجرام".

وقال أسامة منير: " لما تربي عيالك متربيهمش أوي، عشان ميطلعوش أخيب خلق الله خليهم ياخدوا فرصتهم في الحياة واطمن زي ما أنت ليك مخ ويتعرف تتصرف أكيد هيتعلموا ده،  ويعرفوا يتصرفوا، علشان ولادنا متعلمين كويس، ومتعلمين أحسن مننا".

أسامة منير: سيبهم يربوا نفسهم أو الزمن يربيهم 

واستكمل أسامة: "الجيل دا غير جيلنا، احنا على أيامنا مكنش فيه إنترنت، وكانوا بيقولوا جيل التليفزيون، واللي قبلينا كانوا بيقولوا جيلكوا منيل يا جيل التليفزيون، واحنا بنقول جيلكوا منيل يا جيل الإنترنت، وهو لا هو منيل ولا حاجة.. الجيل دا زي الفل، وعيال دماغها حلوة بس متربيهومش أوي، سيبهم يربوا نفسهم، أو بمعنى صح سيب الزمن يربيهم".

أسامة منير يكشف أسباب سوء حظ الست الجميلة في الإرتباط

وفي وقت سابق، كشفت الإعلامي أسامة منير خلال حلولة ضيفًا على برنامج "الستات مابيعرفوش يكدبوا"، الذي تقدمه الإعلامية منى عبد الغني، والإعلامية هبة الأباصيري، والذي يتم عرضه على شاشة قناة cbc، عن أشكال العلاقة بين الست والرجل، قائلا: "لست الجميلة أسوأ حظا من الست متوسطة الجمال في الإرتباط لأن في ناس كتير بتخاف ترتبط بيها علشان جميلة وناس ما تتوقعش أساسا إنها مش مرتبطة، في مثل بيقول أكل طبق فول لوحدي وماكلش صنية بسبوسة والناس تتفرج عليا، بيخافوا يرتبطوا بيها شايفها كبيرة أوي عليه”.

نبذة عن أسامة منير

ولد المذيع المصري أسامة منير 25 فبراير 1970، تخرج في كلية الآداب بجامعة عين شمس قسم اجتماع وبدأ مطربًا وكان يغنى منذ أن كان يدرس بالثانوية ثم درس الموسيقى العربية وسافر إلى أستراليا وبعد عودته لمصر عمل فترة طويلة في مجال الإعلانات كانت بدايته الإذاعية في الإعلانات ثم أنتقل إلي إذاعة نجوم FM.

كما شارك في تقديم برنامج البيت بيتك في التليفزيون المصري وشارك أيضًا في تقديم برنامج 90 دقيقة على تليفزيون المحور لمدة 6 أشهر ثم عاد لتقديم برنامج "أنا والنجوم وهواك" على إذاعة نجوم FM ويعرض من خلاله المشاكل العاطفية للشباب، كما شارك في بعض الأفلام والمسلسلات والبرامج الأخرى.