تامر حسني يستعد لإحياء حفلته الجديدة
تامر حسني يستعد لإحياء حفلته الجديدة
نشرت الصفحة الشخصية للفنان تامر حسني عبر موقع تبادل الصور والفيديوهات “إنستجرام”، وعبر صفحته على موقع التواصل الاجتماعي “فيس بوك”، صورة له على البوستر الترويجي لحفلته المقبلة، وعلقوا عليها:"مستعدين؟ يوم السبت 19\11 سيقدم تامر حسني حفلًا في Arab acadmy، أهلًا بحفلة فاميلي بارك".
تامر حسني يوجه رسالة دعم لجمهوره
اعتاد الفنان تامر حسني بنشر رسائل دعم للجمهوره سواء كان كتابيًا فقط أو بأغنيه فقد نشر تامر حسني خلال الأيام الماضية رسالة دعم على موقع تبادل الصور والفيديوهات" إنستجرام" و"فيس بوك"، قائلًا:" يوم جميل على الجميع كالعاده مش بعتبركم محبين فقط لا أنا دايمًا بشوفكم ناس من اهلي حتى لو بعضكم معندوش الاحساس دا تجاهي
انا بقى عندي تجاهكم كلكم الاحساس دا ودا احساس ربنا زرعه فيا معرفش ليه ومعرفش ليه مزروع فيا بالقوه دي عشان كدا اقسم بالله اي خير بعرفه بحب انقله ليكم فورًا، كنت بقرأ موضوع مهم أوي بما إني مجنون قراءه وسماع حبيت اكلمكم عنه وهو (مجاهدة النفس )،
واثق إننا كلنا بنمر بظروف ومؤثرات وأفكار بتغير حاجات جوانا في ناس بتغيرها للأفضل وفي ناس للأسوء ".
وتابع قائلًا:"و كلامي لكل شخص حاسس من جواه إنه متضايق وعنده خطأ في فكره أو عقيدته وقناعته أو عاده سيئه ومعصيه ثابته مش عارف يتخلص منها أو صفه في شخصيته مش كويسه وفاقد الامل في تصليحها
عشان يصلحها ويتغير لازم أول حاجة يعترف بيها قدام نفسه وميقاوحش ويبرر وجودها لازم يشوفها يبقى تعترف بيها قدام نفسه".
وأضاف:" تاخد قرار حاسم في بدء الإمتناع عنها، تدرس المقابل لها في الصالح وتسعى في اتجاهه، اختار اصحاب صفاتهم بعيده عن هذه العيوب والعادات المشابه، اصبر على نفسك في التغيير يعني لو اخدت قرار ورجعت فيه مش معناه انك فشلت لا خد القرار تاني حتى لو فشلت في الاصلاح ١٠٠ مره عادي، خد كمل في اصرارك على التغيير والتطوير وخد كمان مره القرار اهم حاجه راقب نفسك وشوف مؤشر تحسنك بيزيد ولا ثابت خليك وراه لحد ما يبدأ يعلى هتلاقي نفسك واحده واحده انتصرت على نفسك وكسبت التحدى، نهاركم عسل زيكم".
آخر أعمال تامر حسني السينمائية
جدير بالذكر أن آخر أعمال تامر حسني السينمائية هي فيلم بحبك عرض فيلم بحبك في ٧ يوليو الماضي، وتدور أحداث الفيلم بين رجل يخوض قصتي حب بين فتاتين، ويتخبط في حياته، ويظهر مدي الإختلاف في التعبير عن الحب بين الرجل والمرأة.
أبطال فيلم بحبك
يشارك في بطولة الفيلم" تامر حسني" هنا الزاهد" حمدي الميرغني" مدحت تيخا " عمرو صحصاح" وهو من إخراج وتأليف" تامر حسني" ومخرج منفذ" عمر جبر
آخر أعمال تامر حسني الغنائية
من جانب آخر كانت آخر أعمال حسني الغنائية أغنيته الجديدة هتجوزك من فيلم بحبك والتي حققت عبر موقع الفيديوهات “ يوتيوب ” نحو 4 ملايين و700 ألف مشاهدة من كلمات محمد القاياتي وألحان محمد حمزة ومن توزيع أمين نبيل.
كلمات أغنية هتجوزك
ولإن الحلال أجمل سأنتظر
رغم اني مش قادر اصبر وبحتضر
رغم العادات والحاجات
هنجز وهختصر
هتجوزك هتجوزك وسوف ننتصر
ولإن الحلال أجمل سأنتظر
رغم اني مش قادر اصبر وبحتضر
رغم العادات والحاجات
هنجز وهختصر
هتجوزك هتجوزك وسوف ننتصر
