رسالة شديدة اللهجة من ياسمين عز ضد المتنمرين على الفتيات ووصفهن بـ "عانس"

أعربت الإعلامية ياسمين عز عن رأيها في كلمة "عانس" الذي يمنحه البعض للفتاة التي تتأخر في الزواج، وذلك خلال برنامجها "كلام الناس" الذي يتم عرضة علي قناة MBC مصر.

ياسمين عز: عانس تعتبر سوء أدب مع الله

وقالت ياسمين عز:  إن كلمة "عانس" في حكم الدين الإسلامي تعتبر سوء أدب مع الله.

وأوضحت: "هتتجوزي جوازة غلط عشان مايقولوش عانس، بعدها هتصبري على جوازة غلط عشان مايقولوش فلانة اتطلقت بمفاهيم مجتمعنا".

ياسمين عز: مفيش حاجة اسمها عانس

وأضافت: "مفيش حاجة اسمها عانس، اسمها مطولة بالها عشان تاخد سيد الرجالة، مفيش حاجة اسمها هنفرح بكي أمتى، اسمها أفرحوا بنفسكم وأنا أفرح بنفسي لما ربنا يريد، الزواج كالأرزاق مقسمة" 

ياسمين عز: أول ما تقولك أنتي عانس أعرفي إنها فاشلة

وحرصت علي توجية رسالتها للفتيات مؤكدة أن السيدة التي تصف فتاة بكلمة "عانس" تعكس مدى تعاستها في زواجها، وقالت: "أول ما تقولك أنتي عانس أعرفي أنها فاشلة في حياتها، لأن مستحيل اللي ناجح في زيجته يتفوه بكلمة تجرح غيره اللي لسه ماتجوزش".

واستكملت حديثها قائلة: "لما تيجي طنط تقولك ماتجوزتيش ليه؟ قولي لها معلش خايفة أطل أغطي على الكل! والست اللي زي اللي قاصدة تأذيكي المخرفة المعقدة تعامليها معاملة القنفذ".

ياسمين عز: القنفذ لا يتحضن ولا يتباس

وتابعت: "القنفذ لا يتحضن ولا يتباس، لا تسلمي عليها ولا تحضنيها ولا تتعاملي معاه ولا تيجي جنبها، تجاهليها، أعتزل ما يؤذيك عشان ماتسمعيش كلمة تؤذي روحك، مفيش حاجة اسمها عانس أو بايرة، ده كلمة فيها سوء أدب مع الله".