بأداء رائع.. محمد فراج يودع حبيبته في مسلسل "الغرفة 207"
تصدرت في الساعات القليلة الماضية الحلقة التاسعة من مسلسل "الغرفة 207" محرك البحث جوجل وذلك بعد عرضها مساء أول أمس عبر منصة شاهد ولقت الحلقة تفاعل من الجمهور كبير كعادة حلقات مسلسل "الغرفة 207".
وأكثر مشهد لفت انتباه الجمهور هو مشهد وفاة سارة شخصية "ناردين فرج" ووداع جمال شخصية "محمد فراج" لها، وبكاء وكلام محمد فراج وهو يشاهد حبيبته تتركه إلي الأبد، فتفاعل رواد مواقع التواصل الإجتماعي مع ذلك المشهد.
تعليقات الجمهور
وجاءت بعد التعليقات علي ذلك المشهد ( قطع قلبي حرفيًا، مشهد تحفة، أداء محمد فراج رهيب، انا عيطت عياط، قلوبنا وجعتنا كتير )
وبدأ ذلك المشهد عندما كانت سارة جالسة بحديقة الفندق وهي تبكي بعدما رأت جمال بالغرفة عند فاتن وبعد ذلك جاء إليها الإيطالي وقام بقتلها وسمع عم مينا ومصطفي صوت صراخ سارة وذهبوا ليروا ما حدث فوجدوها قُتلت.
وبعد ذلك ذهب محمد فراج "جمال" إلى الغرفة لكي يري سارة فتخيل بسارة تتحدث معه وبدأ ذلك المشهد ذو الأداء المتميز بدأت سارة جالسة علي الكرسي بالغرفة 207 وتتحدث مع جمال وتقوله له متأخر أو ي، بس انا فهمت كل اللي حصل حصل ليه، دلوقتي جه الوقت انك تفهم، ويقول لها جمال سارة انا غلطت بس فرصة واحدة كمان اصل مش معقول حكايتنا تخلص كدة، مش معقول كل اللي شوفناه وعدينا بيه يخلص كدة اديني فرصه كمان اقدر اثبتلك وأعمل أي حاجة عشانك"
وتابع جمال حديثه: أنا عايز أفضل عمري كله معاكي.. مهما حصل، مهما اتغيرنا حتي لو تعـبت انتي تستاهلي اتعبلك العمر كله ".
ويعبر جمال عن مدي حبه لها وهي تقول لها انت عارف أن أنا كمان بحبك أوي، بس أتأخرت يا جمال دائمًا بتتأخر"
وعند حديث جمال وقوله إحنا مينفعش نفضل في الأوضة اكتر من كدة تقول له سارة جمال أنا مبقتش بخاف من الأوضة وأنت كمان المفروض متخافيش عليا منها.
في في حالة صدمة يقول لها جمال يعني ايه، فتقول له انت فاهم وعارف كل اللي كان هيحصل من الأول وأنت فاهم كل حاجه بس مكنتش عايز تقولي.
ويبدأ يبكي محمد فراج ويتذكر كلام شيرين له عن سارة ويقول لا لا يا سارة لا مع صوت عياط، فتقول له سارة اهدي يا جمال متخافش عليا انا بقيت كويسة خلاص فيقول لها لا يا سارة متسيبنيش.. عشان خاطري متسيبنيش.. مش هقدر انا من غيرك مش هعرف أكمل.
فتقول له سارة مش بأيدي لكل حكاية نهاية وأنا وصلت لنهاية حكايتي لكن انت حكايتك لسه هتبدأ، أنا عارفه انت حاسس بإيه دلوقتي، بس هيجي يوم وهتفهم كل حاجه وساعتها هتقدر تختار، وهتكمل
فيرد جمال قائلًا: مش عايز، مش هقدر، انا من غيرك مش هقدر، انا من غيرك مش هعرف اكمل
فترد سارة: هتكمل، وهتنساني كل إلى انت محتاجه سنه و3 شهور و4 ايام، ده الوقت إلى اي حد بيحتاجه علشان ينسى إلى بيحبه
فيرد جمال: مش هقدر يا ساره، مش هقدر.
فترد سارة: سنه يا جمال، سنه و3 شهور و4 ايام، انا عمري طلعت عْلط؟
أنا لو بإيدي كنت فضلت معاك العمر كله حتى لو تعبت عارف ليه؟
علشان انت تستاهل إن أنا أتعبلك العمر كله.
وعندما يحاول جمال أن يحضن سارة يجدها تتبخر ويسقط في الأرض باكيًا ويذهب إليه في الغرفة عم مينا ومصطفي لكي يقوموا بتهدئته .
