أحمد حسن راؤول لـ تامر حسني: "أنت عارف أنت غالي عندي قد ايه"

أجرى الشاعر أحمد حسن راؤول لقاءً تلفزيونيًا في إحدي القنوات وتحدث عن موقف له مع حفلة لنجم الجيل منذ إطلاق ألبوم "تامر وشيرين" وأنه وقف عند الحفل يتخيل ويقول انا في يوم من الأيام هكتب أغنية لتامر حسني وبالفعل حصل وبعد 15 سنه كتبت له أغنية "اختراع"، فيما أخذ تامر حسني ذلك الجزء وقام بإعادة نشره وذلك عبر خاصية القصص بصفحته الرسمية بموقع "إنستجرام".

وعلق تامر حسني قائلًا: "الشاعر الكبير أحمد راؤول شكرًا لكلامك وإحساسك الغالي حلمك حققته ولسه بتحقق وكل يوم هتكون في مرتبة أعلي بعون الله عشان قبل موهبتك الرائعة قلبك نضيف، صراع الدنيا صراع قلب وعلي قدر نيتك الجميلة وبياض قلبك وموهبتك هتفضل مميز ألف شكر يا حبيبي".

ورد علي ذلك الشاعر أحمد حسن راؤول عبر خاصية القصص بصفحته الرسمية بموقع "إنستجرام" قائلًا: "حبيبي نجم الجيل تامر حسني أنت عارف أنت غالي عندي قد ايه ونجحنا سوا في اغنيتين "مقسوماية - دراماية" ولسه اللي جاي إن شاء الله..ياتري هنعملها ايه".

أعمال أحمد حسن راؤول مع تامر حسني

الجدير بالذكر أن الشاعر أحمد حسن راؤول قد كتب ل تامر حسني اغنيتين وهما أغنية إختراع وأغنية حياتنا، وآخر أغنية هي أغنية حياتنا وقد حققت الأغنية نجاحًا كبيرًا منذ بداية طرحها والأغنية هي من كلمات أحمد حسن راؤول وألحان إسلام زكي وتوزيع إلهامي دهيمة - أحمد حسام.

كلمات أغنية "حياتنا"

في حب يعجزك بدري
حب يموتك جواك
وإيد تتمد تمسكها
تغمي عينيك تقوم خانقاك
في وش يبان ملاك طيب
في ضهرك يتقلب أبليس
في حد بتشتريه غالي
وهو قصاد مرايته رخيص
وهو قصاد مرايته رخيص

حياتنا عبارة عن أشخاص
ما بين غاليين وحبة رخاص
في ناس بتزود الواحد
وناس عايشة بتاخد وخلاص
ما بين الصح والمفروض
بنتعود على المرفوض
في كام واحد في تعبك غاب
وكام واحد فضل موجود

في حلم بيختفي ويمشي
ووقت بيتسرق ببلاش
في واحد عاش ومفهمش
وواحد عمره لحظة ما عاش
بنجري في دايرة مقفولة
وأهي قلوبنا أتهرت تعليم
ومين ضامن يعيش توهه
ويخرج منها قلبه سليم