صوت نادر في مصر.. عمر كمال يعبر عن سعادته بالتعاون مع أحمد شيبة في أغنية بغيب وبرجع

أعرب المطرب عمر كمال عن سعادته بالتعاون مع المطرب أحمد شيبة في أغنية جديدة تحمل اسم بغيب وبرجع، مؤكدًا أن الأخير يعتبر من أهم الأصوات الشعبية في مصر.

عمر كمال يكشف عن تعاونه مع أحمد شيبة

وكشف عمر كمال، في تصريحات صحفية، عن تعاونه مع أحمد شيبة في أغنية بغيب وبرجع، قائلًا: زي ما قدمت أغنية مع النجم الكبيرعبد الباسط حمودة بتشرف إني هشتغل مع أحمد شيبة، دول إخواتي الكبار وفي نجوم كتير هشتغل معاهم الفترة الجاية... أحمد شيبة صوت مهم جدًا في مصر ومن الأصوات الشعبية اللي  نادرًا لما بتيجي، يعني بتيجي كل سنين.

عمر كمال عن أغنية بغيب وبرجع

وتحدث عمر كمال عن أغنية بغيب وبرجع الذي ستجمعه مع أحمد شيبة: أغنية في إطار شعبي والناس بتحب ده مننا، بنحكي عن الشارع والناس، وإن إزاي لما الإنسان يكون حاسس بانكسار يحول ده للقوة ويقف في حياته.

عودة عمر كمال لـ الغناء مع شاكوش وبيكا

ومن ناحية أخري، أكد عمر كمال أنه سيعود للغناء مع مغنيّ المهرجانات حسن شاكوش وحمو بيكا، قائلًا: إن شاء الله هنرجع مع بعض قريب وأعلنا على ده من شهرين بس مفيش حاجة نرجع بيها بالشكل اللي يليق بينا، يعني إحنا مش عايزين نعمل تراك وخلاص لأ إحنا بنجهز لشغل مختلف الفترة الجاية.

آخر أعمال عمر كمال

والجدير بالذكر أن آخر أعمال عمر كمال، كان فيديو كليب خلينا سهرانين، والذي كان من كلمات وألحان عمرو قطب، وتوزيع وسام عبدالمنعم. الأغنية من كلمات عمرو القاضي ومن توزيع شيبسي، وتم تسجيلها داخل أحد الأستديوهات الخاصة.

كلمات أغنية خلينا سهرانين

وجاءت كلمات أغنية خلينا سهرانين كالتالي: 
بقى ده إسمه كلام
بقى حد يسيب القعدة الحلوة دي ويقول سلام
بقى ده إسمه كلام
ده احنا ما صدقنا نشوف بعض تقوم نمشي قوام
ده السهرة يا دوب لسه بتبدأ والجو يا روحي عليه
يخلي اللي مانمش بقاله أسبوع يسهر ما ينام
تمشي تروح فين خلينا سهرانين
ده الجو جميل والناس كلها صاحيين
مستعجل ليه، هو احنا ورانا إيه
ده الليل لسه في أوله، أوله والناس كلها صاحيين
تمشي تروح فين خلينا سهرانين
ده الجو جميل والناس كلها صاحيين آه
مستعجل ليه، هو احنا ورانا إيه
ده الليل لسه في أوله، أوله والناس كلها صاحيين
لالا، لالالا
مبسوطين ومفرفشين ومزاجنا مية فل ورايقين
تمشي ليه ورانا إيه مع بعضنا متونسين؟
مبسوطين ومفرفشين ومزاجنا مية فل ورايقين
تمشي ليه طب ورانا إيه مع بعضنا متونسين؟
ولا أشغل لك حبيبتك تنسجم وتروق معاها
من زمان مزجانجي عارفك بتعشق الست وغناها
يلا نعيش في عيون الليل
يلا نعيش في عيون الليل ونقول للشمس
تعالي، تعالي يا شمس تعالي
بعد سنة، مش قبل سنة
تمشي تروح فين خلينا سهرانين
ده الجو جميل والناس كلها صاحيين
مستعجل ليه، هو احنا ورانا إيه
ده الليل لسه في أوله، أوله والناس كلها صاحيين
تمشي تروح فين خلينا سهرانين
ده الجو جميل والناس كلها صاحيين آه
مستعجل ليه، هو احنا ورانا إيه
ده الليل لسه في أوله، أوله والناس كلها صاحيين