بستخدم الصوت الربيعي وسيبت الدولاب لجوزي ومش بيحب كلمة فرعون.. أبرز تصريحات رحاب الجمل في " كلام الناس "

حلت الفنانة رحاب الجمل، ضيفة في برنامج" كلام الناس"، التي تقدمه الإعلامية ياسمين عز، عبر قناة إم بي سي مصر، وكشفت رحاب عن كواليس أعمالها وعن حياتها الشخصية وغيرها من الأمور وتعليقها على نصائح ياسمين عز، لذلك نرصد أبرزالتصريحات في السطورالتالية.

 رحاب الجمل تكشف عن وجهها الحقيقي داخل المنزل 

وجهت الإعلامية ياسمين عز سؤال  للفنانة رحاب الجمل: "اللي يشوفك يفتكر أنك قوية وجامدة وتمشي كلمتك، لكن أنت أنثى وناعمة وست بيت شاطرة"، حيث أوضحت الفنانة رحاب الجمل صفتها الحقيقية في المنزل قائلة:“ أنا شخصية مختلفة عن الأدوار اللي بقدمها وعندي شخصية خارج المنزل، لكن في البيت فيه تفاهم، لأن الأسرة والعيلة هي المكان اللي بلاقي   فيه راحة، وأنا الحمد لله مرتاحة، وكتير بيفكروا أني صارمة وشخصيتي قوية، لكن بالعكس أنا في البيت شخصية مرحة”. 

رحاب الجمل تكشف عن نصيحة حماتها لها

كشفت رحاب الجمل عن نصيحة حماتها لها، قائلة:" لو اتخانفت مع جوزي حماتي بتقول بلاش أتدخل لأن أي تالت بين الزوجين غير مفيد، فخلوها بتاعتكم لوحدكم، ولما الخلاف يخلص بين الطرفين بيدوب بسرعة، وتنتهي، لأن ده في النفس البشرية وأنا عملت بنصيحتها".

وتابعت: "أنا بحب حماتي جدًا كتير، حب على قد طيبتها واحترامها وحنيتها وأدبها وكلاس، وفيه أدب وشياكة ورقي، وأنت بتختاري الزوج لو مالوش خير في أمه وأبوه أوعي تفرحي دي مش شطارة لأنك مش هتكوني أغلى عنه منهم ما تتحشريش في اللي ما يخصكيش لأن مملكتك بيتك، ده ما يخصكيش خالص وده شفناه في أمهتنا وأجدادنا، وما تدخليش في اللي مالكيش فيه، لو ركزتي في حياتك هتتهني وتتبسطي".

 رحاب الجمل تسخر من نصائح ياسمين عز 

علقت رحاب الجمل على بعض النصائح التي تقدمها ياسمين عز للسيدات قائلة: “لما أنا أقول لجوزي يا أستاذ في البيت، يروح بقى الشغل مع السكرتيرة تقوله يا بيبي؟”، لترد عليها ياسمين عز:” لا السكرتيرة تقوله يا بيه”.

ووجهت رحاب الجمل حديثها للإعلامية ياسمين عز، قائلة:" أنا بستخدم الصوت الشتوي النهاردة بسببك ممكن تفكي عشان أفك أنا كمان"، متابعة:" بستخدم الصوت الربيعي اللي بيكون في النص ومبهج". 

وتابعت: "أنا عاملة بنصيحتك في موضوع الدولاب سيبت الدولاب لجوزي وأخدت الدريسنج روم كلها ليا".

وواصلت: "لما أنا أقول لجوزي يا أستاذ في البيت..يروح بقى الشغل فـ السكرتيرة تقوله يا بيبي؟"، لتبادرها:" لا السكرتيرة تقوله يا بيه".

واسترسلت رحاب الجمل قائلة:" بعمل كل الأكل وبحب الأكل بس يرضيكي أعمل لجوزي صينية بط بالبرتقال وأخرج منكوشة"، لازم الزوج يتعامل مع زوجته بالرحمة والمودة".

 وأكملت رحاب الجمل:" خفي شوية على الستات عشان دمك مهدور عندهم يا ياسمين"، لتبادرها ياسمين عز:" بحبهم وموافقة إن ست الكل تفرغ طاقتها فيا". 

وأضافت رحاب الجمل:" كلمة فرعون مش حلوة ومبحبش الكلمة وجوزي ميحبش يتقال عليه كلمة فرعون".