"مقصدتش اشتكي".. أحمد عيد يعلق على تصريحاته الأخيرة

كشف الفنان أحمد عيد، عن حقيقة التصريح الذي انتشر له خلال الساعات الماضية، والذي يفيد تعرضت للظلم بسبب عدم مشاركته في أعمال فنية خلال الفترة الماضية. 

كتب الفنان أحمد عيد عبر حسابه الشخصي علي مواقع التواصل الاجتماعي فيس بوك:" أنا حابب أوضح إني مقصدتش اشتكي ولا أبان عندي ظلم، بيتعرض عليا شغل كتير وبرفض عشان مش هتشغل غير اللي شايفه كويس  لنفسي والجمهور".

واستكمل قائلًا: مش فارق معايا اشتغل أصلًا أو مشتغلش والحمدلله ماديًا مش محتاج، المهم اعمل اللي مقتنع بيه، وكلامي بيتحور عشان إبان بشتكي أو مظلوم ليه مش عارف.

وأضاف: بالنسبة للأخ اللي عمل تعليق على الصورة بيقولي مالك يااستاذ احمد عينك فيها حزن ليه وسائل دقنك وشنبك عايز أقوله أن بس ده راكور عشان بصور حاليا وبجد بشكركم علي رسائل وبوستات الدعم والمحبة".

حضور احمد عيد حفل joy awards

مؤخرًا حضر الفنان احمد عيد حفل توزيع الجوائز joy awards وقال في تصريحات تليفزيونية: انا مبقتش موجود علي الساحة، وتفاجأت بدعوتي للحفل وفرحت جدا إنهم افتكروني، ونفسي آجي تاني، ونهضة السعودية الفنية هتفيد الوطن العربي بأكمله لأن كلنا واحد وبنتشارك في نفس اللغة والتراث، وانا جيت السعودية وعملت مسرحية من ٢٠يوم عشان كده افتكروني.

أعمال أحمد عيد القادمة:

أعلن أحمد عيد عودته إلي الشاشة بعد غياب دام لـ ٨سنوات من خلال مسلسل عملة نادرة أمام نيلى كريم، يعرض المسلسل في رمضان المقبل من تأليف مدحت العدل وإخراج ماندو العدل.

ويستعد أحمد عيد لتصوير فيلم "الشيطان شاطر" مع السيناريست لؤي السيد، وشارك مؤخرًا احمد عيد في مسرحية "اخطف مراتي ولك تحياتي" المقامة ضمن فعاليات موسم الرياض ويقوم بدور البطولة أمام الفنان احمد بدير.