خالد الجندي: "حزب الشيطان بيهدم بلده بإشاعة المخاوف"

قال الشيخ خالد الجندي، الداعية الإسلامي، وعضو المجلس الأعلى للشؤون الإسلامية،: "إن لم تستطع قول الحق فلا تصفق للباطل"، متابعا: "الكلمة دي إحنا محتاجينها كلنا دلوقتي عشان الناس اللي بتحارب بلدها وجيشها ورئيسها عشان مش راضي أو مش مبسوط أو مش فاهم، خليك في حالك، ولكن هو بمجرد ما تصيبك أي سيئة تصفق لأعداء البلد".

واستكمل "الجندي"، خلال تقديم برنامجه "لعلهم يفقهون"، المذاع على قناة "دي إم سي"،: "أعداء البلد بيفرحوا أوي بأي مشكلة تواجه مصر حتى لو حادث أو فريق بلدنا في كرة القدم خسر أو مشكلة في سلعة".

وأضاف: "أعداء البلد قاصدينك إنت وبيصفقوا للباطل وبيحاولوا يخوفوا الناس ويديهم رسالة سلبية، دول من حزب الشيطان اللي بيحاول يهدم بلده بإشاعة المخاوف".