بحبك وخايف..تامر عاشور يطرح أحدث أغنياته

الفجر الفني

تامر عاشور
تامر عاشور

طرح المطرب تامر عاشور أغنية جديدة بعنوان "بحبك وخايف" بالتعاون مع الشاعر محمد الشافعي والملحن إسلام رفعت، وكان عاشور قد روج لها منذ عدة أيام لطرحها اليوم.

كلمات أغنية بحبك وخايف لتامر عاشور


بحبك وخايف نقرب نضيع
بحبك وعارف بإنه استحاله
بحبك واسف خدتني الجلاله
أنا وانت حالة رفضها الجميع

بحبك بقولها
وجوايا حرب
بقولها ف ضميري
اجي انطقها صعب
ده موقف مصيري
بيعملي رعب

شوفها ف عنيا
ف رعشة ايديا
هتلاقيها حيه
ف قلبي الخجول

طب اقرا الرسايل
هتلاقيني قايل
بإني بحبك
ما بين السطور

دي واضحة ف كلامي
وباينه ف سلامي
يا كل اهتمامي
وأكبر همومي

بخاف يوم ما أقولها
متلعبش دورها
تموت من جذورها
واموت من ظنوني

بحبك وساكت مبجيبش سيرة
بحبَك وفاهم دي كلمة تقيلة
ولو حتى هي تبانلك عادية
شوفها بعنيا تبان مستحيلة
 

حفل عاشور المقبلة بالأردن بالتزامن مع عيد الحب  


ويستعد الفنان تامر عاشور لإحياء أقوى حفلاته، الأولى في بورتو المنيا يوم 27 يناير وهي حفلة بحضور مجاني، ومن المقرر أن يحضرها عدد كبير من محبين تامر عاشور، أما الثانية يوم 16 فبراير بالتزامن مع يوم عيد الحب ومن المقرر إقامة الحفلة في الأردن.


تامر عاشور ضيف أنغام

وفي سياق آخر حل تامر عاشور ضيفٱ مع الفنانة أنغام على قناة dmc،ورحبت  به قائلة: "انت صاحبي وزميلى واشتغلنا مع بعض، بس ده ما يمنعش أبدي إعجابي بيك وبموهبتك، ملحن غير عادي، وصوتك فريد، وعازف شاطر".

آخر أغاني تامر عاشور

وكانت أغنية "هتوحشنا" هى أخر أعمال عاشور وهى  من كلمات عمرو المصري وألحان محمود أنور وتوزيع محمد مجدي وميكس وماستر أمير محروس.

كلمات أغنية هتوحشنا

ليه محسسني إنك صاحب الأفضال عليّ
وإني بشحت حب منك وإنت يعني بخيل شوية
فوق كده وبلاش لساني مش هتسلم من الأذية
إنت ليه محسسني إنك صاحب الأفضال عليّ
وإني بشحت حب منك وإنت يعني بخيل شوية
فوق كده وبلاش لساني مش هتسلم من الأذية
هتوحشنا، هتوحشنا
فضينا السيرة ودشدشنا
ورا ضهرك قلة ولا عطشنا
ممنوع تدخل عندنا ثاني لو حتى هتيجي تمعلشنا
هتوحشنا، هتوحشنا
ده احنا الأرض بورد فرشنا
لما مشيت روقنا وفرفشنا.


لمينا ورقتك قطعنا قفلنا المشهد فركشنا
إنت مين قال لك هتفلح لما تنكر في الجمايل
إنت فعلا نجم مسرح في الكلام والكذب هايل
باب قديم وملكش قيمة حيط ملكش أساس ومايل
إنت مين قال لك هتفلح لما تنكر في الجمايل
إنت فعلا نجم مسرح في الكلام والكذب هايل
باب قديم وملكش قيمة حيط ملكش أساس ومايل