بسنت صيام تشارك والدها أغنية "بنت أبويا".. والجمهور يعلق "ربنا يبارك لينا فيكم"
شاركت الفنانة بسنت صيام والدها الفنان أحمد صيام عبر حسابها الشخصي بموقع تبادل الصور والفيديوهات انستجرام أغنية "بنت أبويا".
تعليقات الجمهور على منشور بسنت صيام
وتفاعل الجمهور على المنشور وعلق الكثير منهم بالدعوات لهما وجاءت التعليقات كالتالي: "ربنا يبارك لينا فيكم يارب"، "ما أحلاكم ماشاء الله"، "أجمل اتنين في الدنيا"، "ماشاء الله"، "ربنا يحفظكم ويبارك فيكم قمرات ماشاء الله" وأما عن الفنانة ليلى حسين فعلقت قائلة: "ربنا يخليكوا لبعض حبيبتي" وغيرها من التعليقات.
طاقم عمل أغنية "بنت أبويا" لـ هنا يسري
الأغنية جاءت من كلمات الشاعرة منه القيعي، ألحان إيهاب عبد الواحد، توزيع نادر حمدي، وكانت غناء الفنانة هنا إبراهيم يسري في مسلسل موضوع عائلي 2، وقد حققت الأغنية نجاحا كبيرا خلال هذه الأيام وتفاعل معها الجمهور.
كلمات أغنية "بنت أبويا" لـ هنا يسري
صوت رنة المفتاح في الباب ساعة اما توصل
ومكالمة نص اليوم لما من غير داعي تسأل
والزعيق من ورا قلبك لما اصالحك وتتقل
وحضنك اللي بنسي قبله ليه كنت بزعل
رأيك اللي كله حكمة صوتك حفظته
كل موقف يوم زعلني وبعدين فهمته
انت اللي انا رافعة راسي من ورا اسمه وسيرته
بنت ابويا واه يا بختي بعمري وياك عشته
بيقولوا لي إني شبهك إني زيك حتة منك
روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي
ده في سلامه واهتمامه يا بختي قالوا بنت ابويا يا سلام
لما تقلق وانا اخبي لتزعل عشاني
وأما في طريقنا نسافر ونشغل أغاني
وأما تشوف منى دمعة وتعمل مش شايفها
بتخاف تكسفني وتحسسني انك كاشفها
انت سندي وانت ضهري وصاحب عمري كله
لما بشكي لما بحكي من غيرك اقول اقوله
اللي مهما كبر سني هفضل اعيش في ضله
يا حبيب يارب يخلي صوتك العمر كله
بيقولوا لي إني شبهك إني زيك حتة منك
روحي روحك واخدة قلبك في المشاعر والكلام
بيقولوا لي اللي شافوكي كتير لاقوكي بنت ابوكي
ده في سلامه واهتمامه يا بختي قالوا بنت ابويا يا سلام
