ياسمين نيازي: أغنية "قليل الحيلة" وش السعد عليا وبحارب نفسي علشان أعمل حاجة أجمل

تحدثت المطربة ياسمين نيازي، عن أغنيتها الشهيرة قليل الحيلة، مؤكدة أنه على الرغم من طرحها عددا كبيرا من الأغاني بعدما طرحت هذه الأغنية، إلا أن الجمهور يُفضل أغنية قليل الحيلة من بين جميع أغنياتها على مدار مشوارها الفني.

ياسمين نيازي: بحارب نفسي علشان أعمل حاجة أجمل من قليل الحيل

وقالت ياسمين نيازي، خلال حوارها مع الإعلامية ياسمين عز في برنامجها كلام الناس، المذاع عبر شاشة قناة MBC مصر: أغنية قليل الحيلة وش السعد عليا، ولغاية دلوقتي بحارب نفسي علشان أعمل حاجة أجمل منها، بحاول أعمل أغاني جديدة بتوزيعات أجدد، ولكن لغاية دلوقتي الناس بتحبها وبتطلبها، ولعنة الأغنية الناجحة هي لعنة حلوة.

ياسمين نيازي تكشف الستار عن حياتها الشخصية

كما تطرقت ياسمين نيازي، في حديثها إلى حياتها الشخصية وسبب عدم ظهورها في وسائل الإعلام بشكل مستمر، موضحة: ممكن أكون انطوائية بسبب إني تعبت أوي في الشغلانة دي مشاكل ونفسيات كتيرة مع إني بدأت صغيرة، أنا مش هبقى في الدائرة الكبيرة بتاعة الشغلانة على الرغم من إني اجتماعية جدًا مع أصحابي، ولكن مرة واحدة باخد جمب.

سبب عدم اكتمال علاقة ياسمين نيازي العاطفية

وقالت نيازي عن سبب عدم اكتمال علاقاتها العاطفية: أنا مشاغبة في رومانسيتي، ومش بكمل في علاقاتي لأني على قد ما بحب أوي بزعل أوي، ومش بسامح بسرعة وده عيب فيا، أنا بسامح بعد كده ولكن مش بنسى المواقف.

آخر أعمال ياسمين نيازي

والجدير بالذكر ان آخر أعمال المطربة ياسمين نيازي أغنية ياللي أنت مالي العين، عبر موقع يوتيوب، وحققت من خلالها نجاحا كبيرا لدى الجمهور بعد غياب عن الساحة الفنية.

كلمات أغنية "ياللي أنت مالي العين"

ياللي انت ماللي العين
والقلب من جوه
ماتحس بيا دانا
لا حول ولا قوة
لو سألوا مين حبيبي
هرد اقول هو
ما تجيش عليا
بيصعب عليا
دانا من زمان
بحبك وساكتة
جمالك دة فالتة
الدلع لو كان ليه ناس
ف انت صاحبه من الاساس
يالي انا عيونك حبايبي
خدتني بحبك خلاص
مانا كنت عايشة
ولا كنت طايشة
ليه ما سيبتنيش
بصيتلي بصة
عملت قصة
ما بتنتهيش