تامر حسني يطرح cover جديد لأغنيته "بينك وبيني"
طرح اليوم نجم الجيل تامر حسني عبر قناته الرسمية بموقع الفيديوهات الشهير "يوتيوب" cover جديد لأغنيته "بينك وبيني" استكمالًا لسلسة الـ cover التي بدأها أول العام الجاري بطرحه أغنية "نفس الحنين" التي حققت نحو 2 مليون و300 ألف مشاهدة علي يوتيوب.
وحقق cover أغنية "بينك وبيني" نحو 20 ألف مشاهدة علي موقع يوتيوب بعد ساعتين فقط من طرحه.
تعليقات الجمهور
وجاءت تعليقات الجمهور علي هذا الـ cover في موقع يوتيوب كالآتي:
(من الأغاني اللي ماخدتش حقها أو ي وقتها وسط أغاني كتير جميلة في الألبوم..لكن من اكتر الأغاني اللي بحب ألحانها وفاكر كل كلماتها وطبعًا صوت وإحساس تامر دلوقتي اجمل كمان وكمان، الوحيد اللي مهما عمل بحبه وبحب صوته، كمية الإحساس والجمال في الأغنية لا توصف، من الأغاني القديمة الرائعة لتامر، ايوا يا تامر الأغاني الحلوة دي ولا زمان يا عالمي هو ده، الأغنية إحساسها قوي أو ي بجد...).
كلمات أغنية “بينك وبيني”
قولى ايه محبوبى ايه بينك وبينى
كل ما اجى واروح مكان متخايله عينى
خطوة خطوة تشوف عينيا مركبة ونزلت ف مية
ياللى عودك مال عليا زى عود الورد لما الورد يحضن ف الجناينى
وقولى ايه محبوبى ايه بينك وبينى
كل ما اجى واروح مكان متخايله عينى
لك عيون غريبين غرابة والغرام دا قتلنى يابا
خلى قلبى يلعب ربابة وقام يسقف ع الايدينى
حتى عمرى كان عشنك انت وبالدلال لون الحزاينى
وقولى ايه محبوبى ايه بينك وبينى
كل ما اجى واروح مكان متخايله عينى
كنت انا الحاكم بأمره والجمال ده انا تحت امره
سيبلى قلبى مديون بعمره بس اوعى تفك دينى
للعيون بدعى عشانهم بس اعيش عمرين بحالهم
وافضل اتملى ف جمالهم وصلوا على جد الحسينى
وقولى ايه محبوبى ايه بينك وبينى
كل ما اجى واروح مكان متخايله عينى
آخر أعمال الفنان تامر حسني السينمائية
فيلم "بحبك"، يشهد أول تجارب تامر حسنى الإخراجية فى السينما، وهو من تأليفه وبطولته، ويشارك فى بطولته كل من: هنا الزاهد وحمدى الميرغنى ومدحت تيخة وهدى المفتى، أحمد عزمى، وتميم عبده وسمر محمد متولى، وعمرو صحصاح وعاليا راشد، شهد الشاطر، وآخرون، وتدور الأحداث حول حياة رجل يخوض قصتي حب، ويتخبط في حياته بين فتاتين، ويُظهر اختلاف مدى صدق التعبير عن الحب بين الرجل والمرأة.
