هشام جمال عن أحمد زاهر: الجندي المجهول في أغنية "كلمة أخيرة" لابنته ليلى

الفجر الفني

هشام جمال وأحمد زاهر
هشام جمال وأحمد زاهر

نشر الفنان هشام جمال، صورة تجمعه بالفنان أحمد زاهر من كواليس تصوير كليب "كلمة أخيرة" للنجمة ليلى زاهر وذلك عبر صفحته الرسمية بموقع “إنستجرام”.

 

ونشر الصورة معلقًا عليها: "الجندي المجهول في أغنية (كلمة أخيرة) النجم أحمد زاهر اللي بيعمل 100 دور مش دوره وشفت بعيني ازاي أب ينسي نفسه وتكون أولوياته الأولي والأخيرة أنه يشوف بنته أحسن واحدة في الدنيا.. ربنا يكرمك يا زاهر يا محترم وتشوفهم احسن بنات في الدنيا.. والكلام ده بالمللي ينطبق علي هدى مامت ليلى طبعًا يا جماعة لحسن تزعل".

 

هشام جمال وأحمد زاهر 

 

تفاصيل أغنية "كلمة أخيرة"

 

الجدير بالذكر أن الفنانة ليلى أحمد زاهر طرحت أغنية "كلمة أخيرة" على موقع الفيديوهات الشهير "يوتيوب"، هى أولى أغنيات الفنانة ليلى زاهر بشكل رسمى، وهى اغنية درامية وتم تصويرها على طريقة الفيديو كليب بـ لبنان وسط الثلوج والطبيعة الخلابة تناسبًا مع أجواء الشتاء.


وقد حققت الأغنية نجاحًا كبيرًا منذ بداية طرحها عبر موقع "يوتيوب" حيث دخلت قائمة الأكثر استماعًا عبر يوتيوب.

 

اغنية "كلمة أخيرة" من كلمات محمد حسن وألحان وتوزيع إسلام زكي ومدير تصوير جلال الزكي ووإخراج هشام جمال ومن إنتاج شركة كروم برودكشن معين مطرجي.

 

كلمات أغنية "كلمة أخيرة"

 

أنا من زمان خوفتني
هزيتلي ثقتي وسبتني
جيتلك عشان كان نفسي أعيش
وأنا جاية أعيش.. موتني

بقى دي النهاية وده اللي بتحاسب عليه؟

أنا من زمان خوفتني
ولغيت مشاعري هزمتني
إزاي هقول.. وبأي عين
شوفتك في يوم بتحبني

جاوب سؤالي وقولي مرة كسبت إيه؟

حكايات وعود مين اللي قال.. مش برضه كان إحنا
مين اللي علقنا في غرام.. وأذانا وجرحنا

حكايات وعود مين اللي قال.. مش برضه كان إحنا
لو كان راحتنا في الفراق.. ده يا
ريته ريحنا

ونهاية حبي فيك
في كلمة أخيرة ليك

محتاجه أنام.. وأصحى في يوم ألاقي قلبي نسيك

أنا طول حياتي كلها
حابسة مشاعري لوحدها
قافله عليها الباب عشان
ماتجيبش حد يذلها

أنا كنت فاكرة ده اللي هيجيب الأمان

وأما فتحت الباب لقيت
أذيتها ومعاها إتأذيت
يا ريت فضلت لوحدي يوم
ولا حد قرب منها
ولا حد حاول يبقى ليه أصلا مكان

حكايات وعود مين اللي قال.. مش برضه كان إحنا
مين اللي علقنا في غرام.. وأذانا وجرحنا

حكايات وعود مين اللي قال.. مش برضه كان إحنا
لو كان راحتنا في الفراق.. ده يا ريته ريحنا

شكرا عشان بإيديك
قطعت علاقتي بيك
مستغربة.. إزاي في يوم وقفت حياتي عليك