بعد نجاح "بطمن عليك" أحمد إبراهيم لـ عمرو دياب:" الحمد والشكر لله على وجودك وسطنا"

وجه الموزع الموسيقي أحمد إبراهيم، رسالة شكر للنجم الكبير عمرو دياب بعد نجاح أغنيتهما الجديدة "بطمن عليك"، وذلك من خلال صفحته الرسمية على موقع التواصل الاجتماعي “فيسبوك”. 

منشور أحمد إبراهيم 

نشر أحمد إبراهيم بوستر أغنية عمرو دياب الجديدة "بطمن عليك"، وعلق عليها قائلًا: "شكرًا يا هضبة على تقديرك الكبير ليا ولموهبتيي، لنصايحك وأفكارك ومشاركتك للرؤية الفنية والشكل الموسيقي، ولصوتك وإحساسك المُلهم للإبداع".

وأضاف: "20 سنة "قبلك" نجحت فيهم بفن من تأثير فنك عليا وعلى جيلي، و3 سنين نجاح بعدك هما الأهم".

وتابع: "الحمد والشكر لله الملك على وجودك وسطنا استفاد منك اللي نافسك واللي انتجلك واللي اتصور معاك واللي اشتغل معاك أو حتى اشتغل في زمنك اتعلم منك حتى اللي بيطلع يهاجمك ويعاديك استفاد واشتهر".

واختتم أحمد إبراهيم رسالته: "بحبك يا هضبة.. كتبت الكلمتين دول في وقت نجاح ساحق عشان الدنيا بتغُر والنماذج الهش كتير".

أغنية" بطمن عليك "

وكان عمرو دياب قد طرح أحدث أغنياته "بطمن عليك" بالتزامن مع عيد الحب، وذلك عبر إحدى شركات المحمول العالمية.

"بطمن عليك" من كلمات وألحان عزيز الشافعي، توزيع أحمد ابراهيم، وميكساج وديجيتال ماستر أمير محروس.

كلمات الأغنية 

ويقول مطلع الأغنية:
 

أنا بطمن عليك مش عايز حاجة منك
غير بس إنك ترد
إنت كويس بجد؟
مش ناقصك أي حاجة؟
مش ناقصك أي حد؟
يابعيد عن عيني
ياعيني بعيد
م القلب أنا بسلم
منا معزز سلام الإيد