عمرو وهبة يقترح كيف التعامل مع زيادة المصاريف
نشر الفنان عمرو وهبة عبر موقع التواصل الإجتماعي فيس بوك منشور يقترح فيه كيف التعامل مع الأزمة المالية التي تمر بها البلد في الوقت الحالي مع زيادة المصاريف قائلًا " بوست جد على غير العادة
بصرف النظر عن الكومنتات اللى هتقول ياعم انت فنان وانت بتاخد ملايين وانت مالك بالكلام ده وكل الحاجات اللى مش صح دى بس هقول برده"
مضيفًا" مؤخرًا بسبب ظروف معظم الناس بمختلف طبقتهم واحتياجتهم وانا منهم بدأ كل واحد فينا يفكر ازاى يوفر وازاى يستغنى عن المصاريف اللى ممكن يستغنى عنها بس انا اكتشفت ان انا الشيطان بقى بيخلينى استنصح مش اوفر..يعنى بصرف عادى مصاريفى اليوميه اللى مش كلها الصراحه اساسيه أو ليها بديل بس بوفر فى الخمسه جنيه اللى بدفعها للى بيحطلى بنزين أو بقلل التيبس اللى بسيبه فى مطعم كلت فيه "
تابعًا" برقم مش شويه والخ من نوعيه المصاريف دى ومع انى بكره السنتحه والفلوس الاتاوه اللى ملهاش لزمه دى وبتعصب من اللى بيرمى نفسه على بريريز العربيه عشان يليطها بفوطته اللى مداقتش طعم الميه فى حياتها وبقول دول ناس مش بيعملو حاجه وبيقرطسونا بس لما فكرت( ووارد جدًا اكون بفكر غلط) قولت ياعم سيبهم يقرطسوك بمزاجك وخد انت الثواب يعنى..وهو ممكن يكون بالنسبالك بيستليح بس فى الاخر الاكيد ان هو محتاج الفلوس دى ولما بسمع حد بيقولى ياعم الناس دى بيعملو فلوس قد كده بسخن ومش بديهم وبعدين بفكر كده بيعملو كام يعنى ؟ الفين جنيه فى الشهر تلات الف خمس تلاف عشر تلاف !حتى اكتر من كده ؟ ماهو مش بياخدهم منك ويطلع يعمل كايت سيرفينج فى راس سدر ماهو هيجيب بيهم اكل وشرب وبرده مهما زاد ده بقى رقم عادى والقرشين اللى هتدفعهم دول اكيد مش هيفرقو معاك بس وارد يفرقو معاه أو مع اللى بيصرف عليهم.."
و أوضح وهبة " حد هيقولى طبعًا خلاص ياسيدى انت كده بتشجع على الاستلاياح وروح ادفعهم لمستشفى ولا لدار ولا لاى حد مريض أو اى حاجه كده هقوله معاك بس انا ك عمرو ومش بقول إنه اى حد يعمل كده انا بقيت يوميًا بصحى الصبح افتح ابلكيشن فورى اختار اى جهه تبرعات واحط اى رقم اتبرع بيه حتى لو عشره ولا عشرين جنيه وثبتها كا شئ اساسى فى بدايه يومى لحد ماخلاص بقت حاجه مش بنساها الحمدلله خالص وعامه يعنى انا نصحت بيها كام حد نحوا وكلهم كلمونى وقالولى دى سحر والله احنا عملنا كده وربنا فتحلنا فى كذا وكذا..مش شرط طبعًا يحصلك زيهم بس وارد جدًا ربنا بسببها يمنع عنك حاجه وحشه كانت هتحصل وانت متعرفش.
الخلاصه وفر شويه من رفاهياتك عشان غيرك يعرف يجيب شويه من اساسياته
وشكرًا"
أحدث أعمال الفنان عمرو وهبة
و يشارك الفنان عمرو وهبة في الوقت الحالي في مسلسل “ جروب الدفعة” والذي يعرض في الوقت الحالي علي فضائية “on”
أبطال مسلسل "جروب الدفعة"
يشارك في بطولة المسلسل شيري عادل، محمد عادل وعمرو وهبة، ولاء الشريف، أحمد ماجد، بسمة داوود، صفاء الطوخي، إيمان الشريف، وئام مجدي، سيناريو وحوار عمرو ابو زيد، نسمة سمير، ومحمد علوش.
