« بشوفها حاجه كوميدي » رد هند عاكف عند سؤالها عن ياسمين عز

التقط كاميرات الفجر الفني بالفنانه هند عاكف من خلال مهرجان الأفضل بين الأفضل، وصرحت الفنانه «عاكف»  عند سؤالها عن ياسمين عز قالت أنا بشوف الموضوع كوميدي وبقعد اضحك. 

و كشفت الفنانة هند عاكف عن سبب غيابها خلال الفترة الأخيرة عن الأعمال الدرامية، وتحدثت عن امكانية مشاركتها في السباق الرمضاني المقبل 2023، موضحة هند أنها رفضت العديد من الأعمال التي عرضت عليها خلال الفترة الأخيرة.

و قالت أنا بعدت 10 سنين عن الفن، ورجعت تاني ولسه برجع تاني والناس بتعرف هند عاكف مين وأن شاء الله قريب هرجع أقوى.

وعند سؤالها عن ندمها بعد الضجه التي حدثت بعد ارتدائها الفستان الذي يحتوي على صور العديد من النجوم أجابت،مندمتش خالص على فستان المهرجان العكس أنا سعيدة جدًا، ومفيش حاجه اسمها ندم هند عاكف مبتعرفش الندم، والندم ده بيأخر وده شئ وحش جدًا وطالما أنا عملت حاجة ومقتنع بيها اوعى تندم عليها أبدًا، أنا افتخر بالنجوم وزملائلي الفنانين والأساتذة الكبار وبحب اكرمهم لأنهم يستحقوا وأنا اتعلمت منهم.

وأوضحت وجهه نظرها من خلال حديثها في تصريحات الفجر الفني وقالت أنا بكرم زمايلي النجوم إلى اتعلمنا منهم لكن بطريقتي الخاصة، وشبهت هذا التكريم بالنجم محمد صلاح لما بيحطوا صورته على التيشيرتات دول بيبقوا عايزين يعملوا تريند، أو حاجة وحشه لمحمد صلاح أكيد لا هما بيفتخروا بيه، وأنا بعمل تريندات محترمة أنا مش لازم، وانا مش بحب اعمل تريندات مش محترمة ولو في تريند فعال وكويس ومحترم إيه المشكلة.