ردًا على انتقادات صورها الجريئة.. عارفة عبد الرسول:" اللي بيديني مصروف يقطعه"

ردت الفنانة عارفة عبد الرسول على الانتقادات التي توجه لها من آن لآخر، بشأن تصريحاتها وصورها التي نشرتها عبر حساباتها الشخصية، واعتبرها البعض "صور إغراء".

عارفة عبد الرسول:" لساني فالت  أعمل ايه" 

أوضحت عارفة، خلال حوارها ببرنامج "معكم منى الشاذلي" على قناة cbc، أنها تقول ما في قلبها وتكشف عن آرائها بحرية وتتصرف بعفوية دون الانشغال بردود الفعل، قائلة: "لساني فالت أعمل ايه.. أنا بتكلم بطبيعتي ومبقصدش حاجة خالص فبتفاجئ إن الناس كبرت الأمور".

تابعت: "أنا بتعامل عادي وعلى طبيعتي.. واللي بيديني مصروف يقطعه معنديش مشكلة مع أي حد، وبظهر بطبيعتي، حتى الصورة المقصودة مكنش ظاهر فيها المايوه.. أنا أهم حاجة عندي في الحياة الشغل، مش مهم شكلي ولبسي المهم شغلي".

من جانبه، قال الفنان عصام عمر إنه يؤيدها في فكرة الاهتمام بالعمل على حساب الشكل، وأن هدفه المهنة نفسها وليس الشهرة أو أي شيء آخر، قائلا: "أنا شايف الشغلانة اللي احنا بنشتغلها دي زي الأستاذ يوسف شاهين ما قال كده (مكنش نفسنا نجيب أحسن عربيات إحنا عايزين نعملها عشان احنا بنحب السينما)".

تابع: "وأنا مش عايز أعمل غير كده عايز أفضل أعمل أفلام وشغل عشان أنا بحب ده والناس يوصلها فكرة تنور في دماغها ولأن أنا كنت حاجة والأفلام هي اللي غيرتني.. وأنا قاعد في بيتنا بتفرج على فيلم هو اللي خلاني أقول عايز أبقى بني آدم كويس، نافع، زي فيلم المنسي وفيلم المدينة".

شخصية عارفة عبد الرسول في مسلسل بالطو

كما علقت الفنانة عارفة عبد الرسول عن دورها في مسلسل "بالطو" التي تُجسد فيه شخصية "كوثر - الموظفة الحكومية الروتينية الحازمة"، قائلة:"أنا جاية من دواوين الحكومة"، موضحة أنها عملت مسبقا موظفة ثقافة جماهيرية على مدار 30 سنة.

وأضافت: "أنا اشتريت 7 سنين معاش علشان يبقى كويس لما أطلع معاش.. وعملت إضافات في المسلسل من خبرتي في العمل الحكومي".

وأوضحت أنها طلبت من مخرج المسلسل عمر فؤاد المهندس، إضافة فقرة شراء أيام معاش لتحاكي ما مرّت به في عملها الحكومي في المسلسل.

وكان الكاتب الساخر أحمد عاطف قد تحدثت في تصريحات سابقة، عن تلك الشخصية، وقال: “الشخصية دي موجودة في كل مؤسسة حكومية.. الشخصية اللي بتكون مكشرة في وش الناس وأهم حاجة عندها الشغل يمشي مظبوط”.

أبطال مسلسل “بالطو” 

مسلسل "بالطو" من إخراج عمر المهندس حفيد الراحل فؤاد المهندس، وقصة وسيناريو وحوار أحمد عاطف، كما أخذت قصة المسلسل من رواية “ بالطو وفانلة وتاب.