غدًا.. أنغام تطرح أحدث أغانيها "نسينا نعيش"

أعلنت الفنانة أنغام عن طرح أحدث أغانيها أغنية "نسينا نعيش" وذلك من خلال حسابها الشخصي على موقع التواصل الاجتماعي "انستجرام"، حيث أنها شوقت جمهورها عن طريق طرح البرومو وكتبت تاريخ طرح الأغنية.

وفي سياق متصل، تفاعل الجمهور معها بشكل كبير من خلال خاصية التعليقات وأعربوا عن حماسهم الزائد وإنهم في انتظار الأغنية بشدة. 

آخر أعمال أنغام

طرحت أنغام أغنية "خليني شوية معاك" في عيد الحب السابق وتفاعل معاها عدد كبير من الجمهور والأغنية من كلمات الشاعر أمير طعيمة، وألحان وتوزيع خالد عز، والفيديو كليب من إخراج عادل جمال. 

*كلمات أغنية خليني شوية معاك*

من أول ما ابتدينا في الكلام
من أول لمسة بينا في السلام
أنا قلبي حس يومها أوام أوام
إحساس غريب صعب اقوله
وكاني عشت الموقف ده زمان
حسيت كان روحي واخده ع المكان
كل اللي جوا مني في عيني بان
ما انا عشت ليك عمري بطوله

حبيتك من كلمة ونظرة عين
حبيتك قبل ما اقابلك بسنين
ولقيتك من بدري انا بستناك
خليني شوية معاك

أنا كل حاجة نفسي فيها فيك
مابقتش باخاف حبيبي غير عليك
فعلا عمري الحقيقي بدأته بيك
وبين ايديك كل حياتي

صدقني انا عشت حبك من سنين
من قبل اليوم ده ما كنت عارفة أنت مين 
ودي حاجة صعب تحصل مرتين
انت اللي جاي وذكرياتي

حبيتك من كلمة ونظرة عين
حبيتك قبل ما اقابلك بسنين
ولقيتك من بدري انا بستناك
خليني شوية معاك

بالتزامن مع حصولها على جائزة أفضل مطربة عربية..أنغام تطرح أغنية "عشان أرضيك"

طرحت الفنانة أنغام أحدث أغانيها والذي تحمل اسم "عشان أرضيك" وذلك بالتزامن مع حصولها على جائزة أفضل مطربة عربية في حفل joy awards، حيث أن الأغنية من كلمات أحمد قطوط وألحان أحمد زعيم وتوزيع وليد فايد وميكس ماستر أمير محروس.

حصدت العديد من الإشادات من قبل جمهور ومحبين أنغام حيث توالت التعليقات على منصة "يوتيوب" للفيدوهات العالمية.  

كلمات الأغنية

عشان ارضيك انا شفت الحياه بعنيك عشان ارضيك نسيت نفسي نسيت روحي لغيت راحتي بقي طموحي تقول حاجه واقول حاضر ولا بترضي في يوم معاليك
انا عشت اللي عدي ده ليك بقيتلي الماضي والحاضر.. بنيت الجاي كله عليك
مش فاكره ليك لحظه هنا
مش هبقي تاني مسلمه قلبي اللي كان لك زي ضلك لسه الجراح في معلمه
وياك سنین متحمله تجرح وبرضو مکمله
ليه كنت راضيه ابقي واحده متقيدة ومتسلسله
عشان ارضيك انا شفت الحياه بعنيك
انا عشت اللي عدي ده ليك
بقيتلي الماضي والحاضر.. بنيت الجاي كله عليك
عشان ارضيك نسيت كل البشر والناس
بقيت صوره بلا احساس
خساره قلبي كان فاكره خضوعه ليك وفا واخلاص
عشان ارضيك سنين بنكر عليا ظنوني يكذب فيها حتى عيوني
وياخدع نفسي وبكابر لو كل العيون يلوموني
مش فاكره ليك لحظه هذا
سنين متحمله وياك
مش هبقي تاني مسلمه
قلبي اللي كان لك زي ضلك لسه الجراح في معلمه
تجرح وبرضو مکمله

حديث أنغام في الحفل

ألقت أنغام كلمتها خلال الحفل وقالت: "كنت منتظرة أبو ناصر يسلمهالي بس مش مشكلة، الحقيقة أنا مش مرتبة الكلام بس شكرًا على الجائزة، وبالنيابة عن كل المكرمين الحقيقة، اليوم رائع ومشرف، خاصة إننا واقفين على أرض كلنا بنحبها".

وتابعت: "أنا شخصيًا لي عائلات وبيوت وأصدقاء كثر في السعودية وجمهور يحبني، سعيدة لزملائي الفنانين من مصر والعالم العربي والنجوم المكرمين".

وتابعت: "هيئة الترفيه تحقق الأحلام وتجعلها حقيقة وواقعًا، شرف لي أن أقف في الرياض والحلم يتحقق لكل الفنانين العرب، أشكر بلدي مصر وأهديها لها، وأتمنى لكم وللمملكة بالأخص كل الأيام الحلوة والازدهار والتقدم وتحقيق أحلام فوق الخيال".

أنغام وبرنامجها

انضمت أنغام إلى عالم البرامج التلفزيونية مؤخرا حيث أنها شاركت في برنامج يحمل نفس اسمها تستضيف به الفنانين وتبدأ في الحديث معهم بشكل حواري واجتماعي ويوجد سهرة طربية أيضًا من خلال البرنامج واستضافت بهاء سلطان وفريق واما ونوال الزغبي ومدحت صالح وعلي الحجار ومصطفى قمر وهشام عباس وغيرهم.