أول تعليق لوالدة الشاب ضحية حقنة "هتلر" القاتلة
كشفت أماني محمد، والدة عمرو ضحية حقنة المضاد الحيوي "هتلر" القاتلة، تفاصيل صادمة بشأن اللحظات الأخيرة لوفاة نجلها بعد توقف قلبه عقب حصوله على هذه الحقنة.
وقالت "أماني محمد" في اتصال هاتفي مع الإعلامي شريف عامر ببرنامج "يحدث في مصر" المذاع على فضائية "إم بي سي مصر" مساء اليوم الثلاثاء: "هو جاي من شغله اتصل بيا قالي أنا عضمي وجعني وهعدي على الصيدلية أخذ أي مسكن علشان عيد ميلاد خطيبته وهو كان عامل لها مفاجأة وتاني يوم كان مسافر دبي علشان شغله".
وأضافت "ابني كان يشكو من آلام في عظامه ولم يطلب الحقنة من الصيدلية، وأخذ الحقنتين على بعض واحدة مسكن وواحد كورتيزون وبعدها حقنة زيرون مضاد حيوي و3 هيأخدهم تاني يوم وهو ابني الوحيد وبمجرد ما أخذ الحقنة الثالثة قال الحقوني أنا بموت بموت ومنطقتش تاني وبقيت اصوت".
وتابعت "الصيدلانية اللي ساكنة معانا في البيت هي اللي نصحته بهذه الحقنة وبمجرد ما أخذ الحقنة الثالثة قلبه توقف ولما جبناها وطلعت حطيت له شوية ملح ومشفنهاش تاني، بعدها هي هربت وقفلت الصيدلية بعد ما قدمنا البلاغ، قلبه توقف ساعة إلا ربع وده تسبب في وقف المخ لعدم وصول الأكسجين له".
