تامر حسني يستعيد ذكرياته مع أحمد عصام في حفل زفافه بهذه الطريقة
نشر الفنان تامر حسني، مقطع فيديو للفنان أحمد عصام من حفل زفاف الأخير على حسابه الشخصي على موقع إنستجرام.
منشور تامر حسني
وكتب تامر حسني: "معاناتي مع صديق العمر العمر أحمد عصام عشان يغني لعروسته في الفرح".
آخر نشاطات تامر حسني
وعد النجم تامر حسني، فتاة بالغناء معه في إحدى حفلاته المقبلة.
ونشرت الفتاه، مقطع ڤيديو أثناء حضورها لحفل تامر حسني، في دبي عندما كتبت في جواب حلمها، ألا وهو الغناء معه، وبالفعل إستطاع تامر أن يقرأه وطلب من القائمين على الحفل أن تصعد تلك الفتاة على المسرح للغناء معه، ولكن أمن الحفل لم يتمكن من هذا بسبب الزحام الشديد.
ووعدها تامر، أمام جميع الحاضرين أن تغني معه في إحدى حفلاته المقبلة.
وكتبت الفتاه،:"مبدئيًا كده أنا شوفت والناس كلها شافت أنك حاولت تبذل أقصى جهدك عشان تطلعني على الستيدچ، وأقف جانبك وأغني معاك وده حلم كبير لأي حد لسه بيبدء طريقه أنه يقف على مسرح واحد جانب المتواضع أوي نجم الجيل، لكن أنا متأكدة ان ترتيب ربنا ان ده يحصل عشان أكيد في حاجة أحسن هاتحصل وكفاية عندي وعدك ليا قدام جمهورك، اللي رجعلي فرحتي تاني ولسه عندي الأمل والحلم أني أقف جنبك وأغني معاك، وعلى فكرة انا عاملة أغنية كوڤر ليك ومستنية أصورها لما الظروف المادية تسمح، عشان أعمل حاجة تليق ب إسم نجم الجيل تامر حسني".
ليرد عليها نجم الجيل بـ،:" ومادام ده حلم كبير أوي كده عندك هحققهولك ونص، وركزي على نص دي، ربنا يكرمك وتحققي كل أحلامك"
فيلم "تاج"
في سياق آخر استأنف الفنان تامر حسني، أمس تصوير مشاهد فيلم "تاج" استعداد لعرضه وفقًا لخطة زمنية معينه وفق الانتهاء منه سواء كان ذلك في عيد الفطر ام عيد الأضحى المبارك.
ونشر تامر حسني من خلال حسابه الشخصي بموقع تبادل الصور والفيديوهات إنستجرام صورة تجمعه بالمخرجة سارة وفيق من كواليس الفيلم معلقًا: "مع المخرجة الجميلة سارة وفيق رجعنا امبارح نستكمل تصوير فيلم تاج فيلم صعب أوي بشكل مش طبيعي بس إن شاء الله المصريين قدها، وهشرحلكم قريب في بوست تاني حاجة مهمة أوي وليه بقول كده".
