"عيب".. ميدو ينتقد هؤلاء بسبب فيريرا ويوجه رسالة للاعبي الزمالك
انتقد الإعلامي أحمد حسام ميدو، تسريب خبر رحيل جوسفالدو فيريرا، المدير الفني للفريق الأول لكرة القدم بنادي الزمالك، حال التعثر أمام الترجي التونسي في دوري أبطال إفريقيا.
"عيب".. ميدو ينتقد هؤلاء بسبب فيريرا ويوجه رسالة للاعبي الزمالك
وأوضح ميدو في تصريحات تليفزيونية عبر برنامج الريمونتادا على قناة المحور: "لاعيبة الزمالك لازم تتكاتف في الوقت الحالي، والنادي مر بظروف صعبة كتير على سبيل المثال وقت الكونفدرالية، وبالاتحاد والاجتهاد وإن كل واحد عمل اللي عليه، الزمالك كسب البطولة في النهاية".
وتابع: "لما الناس تنادي باللجان المؤقتة في الوقت الحالي الصعب، يبقى ده غلط، والزمالك هيدخل في نفق مُظلم تاني".
وواصل: "أنا أول واحد قولت إن مرتضى منصور هيحق له الترشح في رئاسة الزمالك مجددا لو تم إزالة عضويته".
وأضاف: "الزمالك في موقف صعب جدا، ولكن معدن الرجال بيظهر في الأوقات الصعبة وكل أبناء الزمالك متحدين ولديهم صبرًا".
وعن جيسوالدو فيريرا مدرب الزمالك قال: "الاخبار التي خرجت من النادي بتقول إن فيريرا هيمشي لو الفريق خسر أو تعثر أمام الترجي، وده مينفعش يخرج من النادي، اللاعيبة لما تعرف إن المدرب ده ماشي لو حقق نتيجة سلبية مش هيبقى عندها دوافع، واللاعيبة لازم تعرف إن المدرب ده قاعد، ومكمل، حتى لو كانت الأخبار دي حقيقة".
