شاهد.. فاروق فلوكس يكشف لأول مرة تفاصيل انضمامه لجماعة الإخوان
كشف الفنان فاروق فلوكس، تفاصيل انضمامه إلى جماعة الإخوان عندما كان صغيرًا.
وقال "فلوكس" في حواره مع الإعلامية مفيدة شيحة ببرنامج "الستات" المذاع على فضائية "النهار" مساء اليوم الأربعاء، "أنا لم أنضم لجماعة الإخوان، ولكن أنا كنت ساكن في ميدان عابدين وكانوا يمشوا لابسين لبس كشافة عجبني الشكل ده وقولت أن أنا عايز انضم ليهم".
وأضاف "كان ليهم مكان بيتجمعوا فيه روحت قولت لوالدي أنا عايز انضم ليهم قالي اللي أنت عايزه أعمله واللي أنت شايفه صح وروحت انضميت قعدوا يحفظونا قرآن شوية، وأنا كنت عايز استلم اللبس وامشي زيهم ولكن لقيتهم بعد كده خدوني خطبة في مكان قسم الضرب الأحمر حاليًا لحضور خطبة لحسن البنا".
وتابع "أنا مكنتش اعرف أي حاجة، لقيت حسن البنا طويل وصوته جهوري كان بيتكلم في حاجات أنا مش فاهمها وبعد كده حسيت إني مش عايز أروح تاني وروحت قولت لوالدي لأن أنا طبيعتي مش عدواني وفعلا مرحتش تاني وبعتوا يجبوني بس أنا مردتش وفضل كرهي لهذا المكان لغاية ما روحت ثانوي قابلت واحد تاني كان عايز يشدني ليهم تاني".
