الأحد.. مي سليم تطرح أحدث أغانيها بعنوان "يا بنتي"

أعلنت الفنانة مي سليم أنها ستطرح أحدث أغانيها بعنوان "يابنتي" يوم الأحد المقبل الموافق 12 مارس في تمام الساعة السادسة مساءً وهي من كلمات محمود عبدالله، ألحان محمدي، توزيع أحمد أمين ومن إنتاج الآء لاشين  ونشرت البوستر الترويجي لتشوق جمهورها لـ الأغنية، وظهرت مي وهي ترتدي فستانًا منفوش باللون البيج واعتمدت مكياج يبرز جمالها وتسريحة شعر مناسبة لجلسة التصوير التي خضعت لها 

وفي سياق متصل، روجت مي سليم مرة آخرى لـ الأغنية ولكن في هذة المرة كشفت عن تفاصيلها قائلة: "بكرة الأحد هتنزل اغنية يا بنتي الاغنية دي قريبة جدا علي قلبي بحبها جدا يارب تعجبكم  الاغنية دي اهداء لكل ام بتشوف بنتها في فرحها عاوزة اسمع رايكم في الاغنية".

وتابعت: "و عيد الام قرب كل سنة وكل ام طيبة وبخير ربنا يحفظ كل الامهات ويخليهم لينا  و الاغنية انتاج الاء لاشين شركة بشكر كل الناس للي تعبت معانا في الاغنية كلمات محمود عبدالله لحن محمدي توزيع احمد امين شكر خاص الاستاذ محمد حسين شكر خاص الاستاذ رامز سليمان". 

آخر أعمال مي سليم في السباق الرمضاني

يعتبر آخر أعمال مي في السباق الرمضاني هو مسلسل "دنيا تانية" من بطولة ليلى علوي مع وفاء صادق وفراس سعيد ومجدي كامل ومي سليم وعدد كبير من النجوم ومن إخراج أحمد عبد العال.

آخر أعمالها الفنية

تعتبر آخر أعمالها هي أغنية "كبنات" الاغنية من كلمات تأليف وكتابة الشاعر والمؤلف ( محمد مصطفى ملك)، ألحان ( محمود انور )، توزيع موسيقي ( محمد مجدي ). 

كلماتها

احنا كبنات عارفين الدخلة الاولى كلها طيبة ورجولة
ومحدش غيري هيحاسب فتقولي دة شخص مناسب
هو فيه ناس كدة معقولة

تدبسي فيه يظهرلك بعض حقايق
تبتدي بمزاجي مش رايق يعملك فيها مجنون
وفلوسي خلصت مديون دلوقتي انتي المسئولة
فتشيلي الشيلة والحجة بقيتي م العيلة
تتخلي ازاي اصيلة لازم تلبسي البسي في الحيط

احنا يا بنات مضحوك والله علينا
واقل حاجة بترضينا نتصالح لو حصل ايه
لو وردة بربع جنيه يحلو الكون في عنينا

وهنعمل ايه يعني في صنف الرجالة
في الكدب دماغه شغالة ياما شوفنا معاه اسافين
في الاخر يعمل مسكين وبيصعب برضو علينا