أغنية "رصيف نمرة خمسة" لعمرو دياب من حفل "ذكريات" تتصدر تريند يوتيوب
أغنية "رصيف نمرة خمسة" لعمرو دياب من حفل "ذكريات" تتصدر تريند يوتيوب
تصدر الهضبة عمرو دياب، تريند موقع الڤيديوهات "يوتيوب" بأغنينه "رصيف نمرة خمسة" التي قدمها من حفل "ذكريات" الموسيقار هاني شنودة،في الرياض بالإضافة إلى نسب مشاهدتها التي تقترب من ربع مليون.
وجه عمرو دياب، الشكر بمبادرة هيئة الترفيه السعودية لتكريم هاني شنودة قائلًا خلال لقائه مع الإعلامي عمرو أديب: "أشكر معالي المستشار تركي آل شيخ لإن المبادرة جاءت منه، وكلنا جينا وشاركنا، وأنا كموسيقي أحترم أي حد يفكر يحترم مهنتي".
وواصل: "لما تشوف هاني شنودة تعرف أد إيه إحنا بلد عظيمة فيها تاريخ موسيقي كبير، وأي حاجة لها علاقة بمهنتي أنا وراها قلبا وقالبا".
عمرو أديب يعلق على أغنية" سينجل" للهضبة
وقال عمرو أديب: "أنا عجبتني أغنية سينجل، كأغنية مش كأي حاجة تانية"، ليرد عليه الهضبة قائلا: "هي أغنية ظريفة ملكش أنت دعوة بيها".
وأكد النجم عمرو دياب اعتزازه بخطواته الأولى في عالم الغناء، والاستوديو الذي سجل فيه لأول مرة.
وأكد: "هاني شنودة دخلني الأستوديو أول مرة، وعلمني إزاي أقف قدام ميكروفون وأغني، وده درس لنا كلنا، إننا إذا لقينا حاجة كويسة ندعمها"
وأضاف: "كان استوديو محمد نوح، ودلوقتي اسمه "إم تو"، وبسجل فيه لوقتنا هذا، ولحد دلوقتي بشم نفس الرائحة وده شيء لا أنساه، مع إني سجلت في استوديوهات كتير في العالم".
الهضبة:أنا عايز أشتغل علطول وأنتج وأنزل أغاني
واستكمل: “أنا عايز أشتغل على طول وأنتج وأنزل أغاني، ده مش مرتبط بألبومات، بحاول أصحى كل يوم أشتغل".
واختتم: “أشكر جمهوري لإنهم واقفين معايا كل الوقت ده، ويارب أكون عند حسن ظنهم، وهفضل طول الوقت أشتغل عشانهم”.
