خالد الجندي يهاجم مصطفى العدوي: "بيخلي الناس ملاحدة ومشركين"
أذاع الشيخ خالد الجندى، عضو المجلس الأعلى للشئون الإسلامية، مقطعين فيديو للداعية السلفى مصطفى العدوى، يتحدث فيه عن أن قول كلمة طبيعى، مثل سمن طبيعى أو لبن طبيعى، أو زيت طبيعى أو خلافه، نسب الأشياء للطبيعة هذا من مسلك ومن أقوال أهل الشرك والالحاد، شرك ان تقول هذا المفروض ان كل ما يحدث فى الكون هو بإرادة الله.
وتابع الجندى، خلال حلقة برنامج لعلهم يفقهون المذاع على فضائية dmc، اليوم الثلاثاء: "طبعا الراجل ده كثير من كلامه خطأ وكارثى، والناس بتفكر خطا بينى وبينه عداوة، تعالوا شوفوا كلامه يعنى لما يتهمك انك ملحد أو مشرك، اسمع بقى أغرب فتوى ممكن تسمعها فى حياتك، شوفوا الجهالة اللى تفوق حدود الإدراك يعنى لما تقول سمن طبيعى أو لبن طبيعى بتنسبه للطبيعة وده كلام المشركين والملاحدة، يقوم مولانا يحول كل الستات لملحدين عشان لو قالت بطبخ بسمن طبيعى أو لبن طبيعى، هذا الرجل بيقول حاجات عجيبة".
واستكمل: "ده راجل متعلم معاه بكاليورس هندسة قسم ميكانيكا، هو مش عارف ان العلم تخصص وبالتالي الفتاوى بتخرج كوميدية، يعنى واحدة ترضع رضاعة طبيعية تبقى شرك، يبقى لو على كلام الشيخ يبقى تقول رضعت ابنى رضاعة ربانية".
