لوسي: "شاكيرا اتعلمت الرقص مني"

حلت الفنانة لوسي في ضيافة برنامج "العرافة" الذي تقدمه الإعلامية بسمة وهبة والمذاع عبر فضائية "النهار" وتحدثت عن عملها وكشفت عن الكثير من التصريحات الجريئة التي تخص عملها كراقصة شرقية وعن فنانة بالإضافة إلى أنها وضحت عن فكرة تعديها بالضرب على أحد الممثلات في مسرحية «الحفيد» وبدأت لوسي الحلقة بالحديث عن رقصها وتقديمها لذلك وصرحت أن شاكيرا تعلمت الرقص الشرقي منها وقالت: "كل إلى بيرقصوا الرقص الشرقي تعلموا الرقص مني، الطبال بتاع شاكيرا كان بيجي ياخد مني الأحزمة اللي بتشخلل ويديني سديهات وأديله حركات وأعرفه الرعشة بتتعمل ازاي وتقسيمة الوسط بتتعمل ازاي وبيروح يقول لشاكيرا، فشاكيرا اتعلمت الرقص مني أنا". 

وأضافت: "أما بالنسبة لغادة عبدالرازق أنا معملتهاش الرقص، هي بتعرف في الرقص شوية، ولكن هناك دور كان يتطلب منها اتقان الرقص بشكل كبير، فقلت لها بعض القواعد عشان تمشي عليها كويس".

وتابعت الفنانة لوسي، أنّها لم تهاجم الفنانة رانيا يوسف أو تطلب منها عدم الذهاب إلى أطباء تجميل، موضحةً: لم أقل ذلك، أذهب إلى دكاترة تجميل وهي كذلك، ولا أكذب.

واستكملت: لما أهاجم دينا بسبب بدل الرقص التي ترتديها، وبالنسبة لأطباء التجميل، مين فينا مبيروحش لدكاترة تجميل؟! إيه الأسئلة الاستفزازية دي؟! جايبين الكلام ده منين؟! والله العظيم عمري ما شفت الكلام ده.

وتحدثت عن تأثير دوها في المداح عليها قائلة: "الجنية هند بنت الاحمر بتلعب معايا انا واخده اسمها وكل حاجه وقريت عنها كتير عشان وهند بنت الاحمر موجودة معايا وبتلازمني في الحقيقة كمان مش في المداح أسطورة العشق بس برغم إنه ا تحت الارض، انا بقول المشهد من هنا وبقرأ قران من هنا وبحلف بالله إنه ا معايا وبتلمسني"

وأضافت: " في جن طيب وجن شرير وعشان اعمل الدور ده في المداح كان لازم اعرف شكلهم ايه ولازم اشوف الطلاسم والطقوس وكل حاجة وربنا بيسلط الجن الطيب علينا عشان يساعدنا وأنا ذاكرت الست هند بنت الأحمر  لان مبعملش دور من جنسي انا بعمل دور من جنس الخفا، بيحصلي حاجات غريبة أو ي وبحس ان في حاجة بتلمسني ولكن عشان بقرأ قران وبصلي الموضوع بيبقي مختلف وربنا بيحافظني". 

لوسي عن مسرحية الحفيد

ردت الفنانة لوسي، على ما زعمته الفنانة ندى عفيفي بشأن تعرضها للضرب من قبل لوسي في أحد العروض المسرحية وقالت: "هذا لم يحدث، قدمت 44 ليلة عرض، ندى يمكنها كتابة ما تريده، لا أعرف أسماء الفنانين في هذا العرض، كنت أنادي عليهم بأسماء الشخصيات، فقد كانوا فنانون جدد، الستارة كانت تفتح في الساعة التاسعة وكنت أذهب إلى هناك في الساعة السادسة، حيث أدخل غرفتي وأحرص على طقوسي وهدوئي، وكنت أحرص على تغيير ملابسي.. أنا مش عارفة مين ندى عفيفي، ومحصلش إني ضربتها وسيبت العرض ومشيت لأن ده معناه عدم احترام الجمهور".

توفيق عبد الحميد يضرب لوسي ويتسبب دخولها المستشفى

وتحدثت عن القلم الذي ضربه لها الفنان توفيق عبد الحميد والذي نتج عنها الدخول إلى المستشفى وقالت: "أنا معملتوش حاجة لإنه ميقصدش كان قاعد تحت رجلي وبيتأسفلي في المستشفى وبيبكي وانا مربطه وكان في حاجات كتير مكتوبة في الاسكريبت متعملتش، وجالي ساعتها ارتجاج في المخ ونزيف وقئ وملابسي بقت كلها لونها أحمر من الدم"

وتابعت: "انا غضروفي اتقطع اما وقعت في البيت الكبير واحنا مهنتنا متعبة وبنتعرض لكل التعب سواء ضغطنا إلى بيعلي من المشهد أو قلبنا يقف من الانفعال وممكن يحصل اي حاجه وندخل المستشفى بسبب الاذن الوسطى لما أحمد بدير ضرب نار".