موسي بعد ما يحدث في السودان: "مافيش حد يقولي سعر الذهب بكام "(فيديو)

وجه الإعلامي أحمد موسى، التحية إلى الفريق كامل الوزير، وزير النقل، للسماح لفريق عمل البرنامج بالتسجيل في معبر أرقين مع العائدين من السودان.

أحمد موسى للمصريين: "الأمن والأمان عندنا لا يقدر بثمن ولما تشوف جيشك قوله شكرًا"

أحمد موسى: الأهلي لن يلعب السوبر في هذه الحالة(فيديو)

وقال "موسى" خلال تقديم برنامجه "على مسئوليتي" المذاع على فضائية "صدى البلد" اليوم السبتن "كل واحد يرفع إيده ويحمد ربنا ويشكر فضله على نعمة الأمن، النعمة دي لا تقدر بأموال الدنيا ولا كنوزها، مفيش حد يقولي سعر الذهب بكام والجرام بكام".

وأضاف "كلمني أنا قاعد فين وأخبارها إيه، تقولى ذهب مين، دول باعوا الذهب اللي عندهم علشان يعرفوا يوصلوا مصر وهل سألوا بكام ذهب، إحنا بنتكلم في فراغ وهوا، وناس قاعدة في تكييف، واللى جاي من السودان، لا عارف ينام إزاي، بيفطر إزاي، بيتسحر ولا لاء، في أكل ولا لاء، هل سأل ثمن كيلو الأرز بكام».

وتابع "تخطينا مسافة الـ 1500 كيلو، علشان نشوف أهلنا وهم راجعين من السودان، ولازم نحمد ربنا ونشكر الرئيس السيسي، الرجل الذي قرر مبكرا وقال استعدوا، مصر في نعمة كبيرة من الأمن والأمان ده بفضل ربنا والجيش، علشان كده بقولك لما تشوف أي حد من الجيش بوسه واحضنه".

واستطرد "الناس كانت عايزة حاجة واحدة بس هي الوصول إلى مصر، مكناش التفكير في أي شيء تاني غير العودة إلى مصر، شوفوا قعدوا كام يوم في الطريق لحد ما يرجعوا مصر".

وأشار إلى أن الرئيس السيسي يتابع على مدار الساعة عمليات إجلاء المصريين من السودان، مشيرا إلى أنه تم إجلاء أكثر من 6 آلاف من السودان حتى هذه اللحظة.

وتابع "دخل مصر مواطنين من 47 جنسية في عمليات الإجلاء اللى من أمريكا والصين وفرنسا والهند وتونس وبريطانيا، إحنا أكبر بلد دخل عندها جنسيات، في برقيات شكر وجهت لمصر بسبب عمليات إجلاء المواطنين من الدول الأخرى".