تامر عاشور عن حفله بـ جدة: "يومين استثنائيين في حياتي"

حرص المطرب تامر عاشور على توجيه الشكر لمدينة جدة وجمهورها بها  بعد حفله هناك، وذلك من خلال حسابه الشخصي على موقع التواصل الإجتماعي الفيسبوك.

منشور تامر عاشور:

حيث نشر مجموعة صور من الحفل وكتب:" اتشرفت بأني اكون اول مطرب مصري يحيي حفلتين كاملتين العدد يومين ورا بعض في الغالية على قلبي جدة يومين استثنائيين في حياتي ومشواري اللي بدأته مع اهل المملكة خطوة خطوة من البداية حتى الآن بتعب ومثابرة ومجهود عشان اوصل لليومين دول.

وأضاف:" كل ده بفضل ربنا ثُم الجمهور السعودي وبدعم كبير وثقة من الرائد حبيبي واخي ابو ناصر الداعم الأول للفن والابداع عامه وليا خاصة في المملكة بلا توقف - ثم الأهل والأصحاب وهم شركة بنش مارك فرد فرد اللي ماشاء الله شغالين زي الساعه بكل حب ورضا وابتسامه تفتح نفسك على أي شيء.

وتابع: "   وعايز اشكر مصر وجمهور مصر بلدي اللي كل الفضل يرجعلهم بعد ربنا في كل ما وصلت ليه  كل الشكر للفرقه الموسيقيه بقيادة المايسترو الأهم هاني فرحات مش علشان الحفله بس،علشان التعب والبروڤات والجهد والسهر ثم النتيجة، وبالمناسبه دي النهارده بقالي تقريبا  ٢٠ سنه بغني ليكم.وكوّنت في أذهانهم ذكريات كتير انا فخور بكده وده مش معناه ان سنّي كبير انا عمري ٢٢ سنه تقريبا فا تحبوا تقولولي ايه بالمناسبة السعيدة دي ؟".

وفي سياق آخر أعلن المستشار تركي آل شيخ عن نفاذ حفل تامر عاشور في جدة، والمقرر إقامته في الخامس من شهر مايو القادم، وذلك عبر حسابه الشخصي على موقع التواصل الإجتماعي الفيسبوك..

أحدث أعمال تامر عاشور الغنائية
 

طرح المطرب تامر عاشور أحدث أعماله الغنائية «بحبك وخايف» عبر قناته الرسمية بموقع الفيديوهات الشهير «يوتيوب» وحققت الأغنية نجاحًا كبيرًا، ووصلت إلى مايقرب من 2  ونصف مليون مشاهدة، الأغنية من كلمات محمد الشافعى، وألحان إسلام رفعت وتقول كلمات الأغنية:-

كلمات أغنية "بحبك وخايف": 
 

ويقول مقطع من الأغنية:" بحبك وخايف نقرب نضيع بحبك وعارف بإنه استحاله، بحبك وآسف خدتني الجلاله أنا وأنت حالة رفضها الجميع.

بحبك بقولها وجوايا حرب بقولها ف ضميري آجي انطقها صعب، ده موقف مصيري بيعملي رعب فى رعشة ايديا

هتلاقيها حيه، في قلبي الخجول.

طب اقرا الرسايل هتلاقيني قايل إني بحبك ما بين السطور، دي واضحه في كلامي وباينة فى سلامي يا كل اهتمامي