صديقه زوجه شاكوش تكشف عن اسماء وجنسية زيجاته العرفي.. فيديو

تداول رواد موقع التواصل الاجتماعي مقطع فيديو لصديقة ريم طارق زوجة حسن شاكوش عدة تفاصيل هامة عن زوجات حسن شاكوش الثلاثة وزوجاته الذي تزوجهم عرفي، وكشفت عن اسم اثنين منهم.

وقالت صديقة ريم طارق في الفيديو:" أي اللي يجبرها أنها تكمل وجاي كمان عشان تسيبها تقول دي فيكي  عيب وعيب، وعارف إني أنتي متجوزة.. لا عارف أنها متجوزة ومنفصلة زي ما أنت متجوز 3 مرات غير العرفي، غير الاتنين المغاربة اللي متجوزهم عرفي كوثر وسكينة  صح ولا غلط ؟ الحبايب بتهل.. إحنا يجماعة من أول يوم المشكلة كنا عاوزين نحل ودي وهو مش عاوز يحل ودي".

على صعيد أخر أكدت زوجه حسن شاكوش، على حديث صديقتها من خلال خاصية الستوري عبر موقع الفيديوهات والصور الشهير "إنستجرام".

أزمة حسن شاكوش وزوجته 

وحرر حسن شاكوش اليوم محضر ضد زوجته ريم طارق في قسم شرطة أول أكتوبر يتهما بسرقة نصف مليون جنيه، وتم عرض المحضر على النيابة العامة.

وكانت قد حررت زوجة حسن شاكوش منذ عدة أيام محضر بعد طردها من منزلها بعد منتصف الليل، واستلاءه على شبكتها وعلى المنقولات "العفش"، وسرق منها إيصال إمانة لصالحها بديل مؤخر صداقة كانت محتفظة به في المنزل.

وحررت ريم طارق محضر بتضررها من زوجها حسن شاكوش، وذلك في الإدارة العامة للمباحث في قسم شرطة أكتوبر وأحيل المحضر إلى أن النيابة العامة، وتأخرت زوجة حسن شاكوش عن تحرير المحضر وذلك على أمل أن تعود له وينصلح الخلاف بينهم، وفور محادثته لها بإنهاء العلاقة بينهم قررت أن حُرر محضرا على الفور.

وكُشف بعد ذلك أن ريم طارق كانت متزوجة من رجل أعمال من قبل وأنفصلت عنه قبل زواجها من حسن شاكوش بـ أكثر من عام ولكن هي لم تخبره بذلك.

طليق ريم طارق زوجة حسن شاكوش يخرج عن صمته

وقال طليق ريم طارق:أنا كنت متجوز ريم عن حب وهما كانوا ساكنين في بولاق ولما نقلوا فيصل اتعرفت عليها لان أنا من سكان فيصل، وبعد الجواز مكنش في يوم عدى غير لما يكون في خناقة".

وأضاف أحمد طليق ريم:" المشاكل بقت كثير حتى وصلنا لشهر جواز  ولسه في مشاكل وكانت عايزة تطلق وأبوها قالها أن انت لسه عروسة ومينفعش".

وتابع: "بعد ما عدينا سنة جواز خلاص الكلام جه على انفصال لقيت داخلين بيتي وخدوا كل حاجة هما جابوها من غير ما يكون في مأذون ولا أطلقنا رسمي أصلا، وهما دلوقتي رافعين عليا قضية بسبب المنقولات وهما وخدنها أصلا وأنا مش عايز مشاكل أنا عايز أعيش مرتاح".

واستكمل: "أنا مرفوع عليا قضايا بمنقولات وإيصالات ودهب بعد لما أديتها حقوقها الشرعية.. وبعد سنة واحدة جواز ظهرت المشاكل مع أهلها".

وأضاف: "أنا تفاجئت بيها إنها تتجوز تاني أساسا هى عندها تعب صحي مينفعش ليها الجواز.. وأنا مقصرتش معاها وقلت لأهلها مش عايز أطلقها وهعالجها وروحت بيها لدكتور ولقيته بيقولي إنها لا يصح لها الزواج".

واختتم:"كان فيه ظروف معينة للطلاق ولما حصلت مشاكل بيني وبينها أهلها جابوا المأذون وقعدنا ومش هينفع أقول سبب الطلاق في الحلقة دي ومعرفش أنا مرفوع عليا قضايا ليه بعد الطلاق؟ ومش طالب غير إني عايز أعيش في استقرار".