صبري عبد المنعم: "مش عايز أفقد البراءة اللي جوايا وثقتي في الناس"

كشف الفنان صبري عبد المنعم، خلال تصريحات صحفية عن تفاصيل إصابته بالسرطان. 
 

وأضاف: "أصِبت بالكانسر 5 سنين، ربنا بيفتكرني كل شوية بـ هدايا حلوة، وقتها قلت إني ممثل جاله دور عن الكانسر وأنا اللي هعمله، وكل يوم كان فيه جديد في العلاج".
 

صبري عبد المنعم: بعتبر مرضي هدية من الله

وتابع: "المرض جالي في أماكن خطيرة مبتجيش لحد، جالي في الرئة اليمين واتشالت، والبلورة وأماكن تانية". 

 

وقال: "لكن قلت زي ما ربنا نجّى سيدنا يونس من بطن الحوت هينجيني من اللي تعرضت له، أنا راضي بكل اللي يجيبه ربنا، وبعتبر مرضي هدية من الله وهبها لي".

 

صبري عبد المنعم يكشف عن خيانة أقرب أصدقائه 
 

وفي سياق منفصل، كشف الفنان صبري عبد المنعم عن تفاصيل تعرضه للنصب. 
 

وأكد:" قلت لصاحبي عايز أسيب الفلوس للعيال دي اللي طلعت بيها من الدنيا، فقالي هشوف لك مشتري وخد مني العقود كلها، وجاب لي عقد إن فيه شركة سعودية اشترت الشقة، وثقت فيه". 
 

صبري عبد المنعم:مش عايز أفقد البراءة اللي جوايا وثقتي في الناس

وأوضح:" اتقِ شر من أحسنت إليه، عمري ما خوّنت حد ولا شكيت في حد، واسألوا عليا في الوسط، مش عايز أفقد البراءة اللي جوايا وثقتي في الناس.. الحمد لله على كل شئ ". 

 

وأردف: "في يوم قالي هيدويلك شيك مصرفي مقبول الدفع، والبنك قِبل الشيك، وقالي هيتحصل بعد 45 يوم ما بين مصر والسعودية ووقعت على العقد، وكل شوية أسأل البنك يقولولي لسه، وبعد فترة البنك كلمني وقالولي الشيك في بيانات غلط ومش مظبوط، التوكيل أنا عامله لواحدة تانية مش الشركة وعرفت إني ضحية عملية نصب".
 

آخر أعمال الفنان صبري عبد المنعم 
 

والجدير بالذكر آخر أعمال الفنان صبري عبد المنعم مسلسل" سره باتع "وضم المسلسل مجموعة كبيرة من أبرز الفنانين ومنهم، أحمد فهمي، أحمد السعدني، حنان مطاوع، ريم مصطفى، حسين فهمي، عمرو عبد الجليل، بيومي فؤاد، صلاح عبد الله، أحمد وفيق، هالة صدقي، نجلاء بدر، منة فضالي، أحمد عبد العزيز، محمود قابيل، عايدة رياض، 

 

خالد سرحان، علاء حسني، ناهد رشدي، أيمن عزب، أيمن الشيوي، مفيد عاشور، مجدي فكري، محمد الصاوي، ميسرة، صبري عبد المنعم، عمر زهران، ومن إخراج خالد يوسف، ومأخوذ عن القصة القصيرة سره باتع للكاتب الراحل يوسف إدريس.