تامر حسني يكشف صلة قرابته بـ هالة عمر بعد إحيائه حفل زفافها
تسائل الكثير من الجمهور عبر مواقع التواصل الإجتماعي حول علاقة تامر حسني بـ هالة عمر التي احتفلت بزفافها أمس وقدمها تامر حسني لزوجها وأحيا الحفل الكثير من الفنانين والنجوم.
تامر حسني يوضح علاقته ب هالة عمر
ونشر نجم الجيل تامر حسني مقطع فيديو من حفل زفاف هالة عمر عبر صفحته الرسمية بموقع تبادل الصور والفيديوهات الشهير "إنستجرام" ووضح صلة القرابة بينه وبين هالة عمر التي حضر حفل زفافها هو وأخيه حسام حسني ووالدته.
تعليق تامر حسني على الفيديو
فعلق تامر حسني على ذلك الفيديو قائلًا: “لكل اللي بيسأل عن ايه وجه القرابه بيني وبين العروسه الجميله دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره ومن المقاتلين والمدافعين عن تامر على الانترنتو من كتر دفاعها عني لفتت نظري و مره رديت عليها شكرتها ولما سافرت اسكندريه في الوقت ده لقيت بنت صغيره أو ي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل عشان كنت بتحارب جدًا في بداياتي فا اتصدمت ان اللي بتقول كده بنت صغيره كده والمجهود ده كله اللي عاملاه بنت صغيره عندها ١٤ سنه وقتها كانت السوشيال ميديا لسه بتطلع وكنا في شركتنا بندور على شركه كبيره تمسكلي السوشيال ميديا لحد ما قولتلهم انا مش عايز شركه كبيره انا عايز البنت الصغيره دي هي اللي تمسكها فضلوا يقنعوني ان كده مش صح ولازم اكتر حد خبره يمسكها وانا قولت لا لازم اكتر حد بيحبني هو اللي يمسكها وانا واثق ان طاقة الحب مفعولها اقوى من طاقة المحترف بلا حب فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا”.
وأضاف: "الطفلة الشاطره اللي كبرت دلوقتي قدامكم هاله عمر،،، اما بقى عريسها العسل ده اسمه عمرو طلب اديها مني انا عشان والدها ووالدتها توفاهم الله. في سنه واحده رحمهم الله ياريت نفتكرهم ونهديلهم ثواب الدعاء والفاتحه.. ومن اللحظه دي اتحولت هاله لبنتي الكبيره بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هاله رديت دلوقتي هنا ربنا يكرمك و يسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع اولادكم الجُمال بإذن الله".
أعمال تامر حسني القادمة
وفي سياق منفصل يستعد نجم الجيل تامر حسني لطرح فيلمه الجديد "تاج"، والذي تشاركه بطولته الفنانة ساندي والفنانة دينا الشربيني حيث شارك تامر حسني جمهوره صور له من كواليس العمل والذي ظهر خلالها وهو يؤدي بعض التمرينات الرياضية، وعلق عليها: “تحضيرات وتمارين فيلم تاج مع كابتن نور خطاب صديق عمري.. دعواتكم بجد اصعب فيلم بعمله في حياتي”.
ويعد فيلم تاج من تأليف وبطولة تامر حسني، والفنانة ساندي وإخراج سارة وفيق.
فيلم تاج يعد أول عمل سينمائي لسلسة أفلام السوبر هيرو في مصر والوطن العربي، وأن النجم تامر حسني هو أول بطل عربي خارق في السينما العربية.
