عمرو أديب للسياح العرب: "تعالوا هتنبسطوا عندنا ومصر ليها سحر"

توك شو

عمرو أديب
عمرو أديب

قال الإعلامي عمرو أديب، إنه يشعر بالسعادة عندما تنتعش السياحة العربية في مصر، حيث يوجد لدى مصر سياحة عربية ضخمة، داعيا كل السياح العرب لزيارة مصر، قائلا: "تعالوا مصر دي البلد اللي هتنبسط فيها".

وأضاف أديب، خلال برنامج "الحكاية" المذاع عبر فضائية "إم بي سي مصر"، مساء الأحد، أن مصر هى الوجهة السياحية الأفضل، ولا تستمعوا للشائعات، متابعا: "متقلقش على ولادك هنا، مصر الأمن والأمان، احتمال الصيف ده متلقيش مكان في البحر الأحمر، مصر ليها سحر، وليها ريحة حلوة".

وتابع، "احجزوا من دلوقتي، وتعالوا شوفوا متحف الحضارة، وتعالى كل الكباب المصري، والسمك بتاعنا طعمه غير موجود"، منوها بأن ضباط الجوازات المصريين من أسرع ضباط الجوازات في العالم، معلقا: "في حملات لتطفيش السياحة العربية من عندنا.. مصر جميلة خليك فاكر، والأسعار الحلوة، مفيش حاجة شبه مصر لا في الصيف ولا الشتاء، اوعى تصدق حد يقولك مصر غير مرحبة"، مطالبا الإدارة المصرية بتقديم كل التسهيلات للسياح.

وأكد الإعلامي عمرو أديب، أن مصر لو اهتمت بالسياحة ربع اهتمامها بقطاعات أخرى "هنكون في حتة تانية"، مضيفا: “لن أسكت على اللي هيحاول يشوه السياحة عندنا”.