" كنت بشتغل كويس فجأة الدنيا وقفت ووالدي جابني من شعري لما عرف أني أمثل واشتغلت مندوبة مبيعات عشان أصرف على نفسي".. أبرز تصريحات مروة عبد المنعم

حلت الفنانة مروة عبد المنعم،  ضيفة ببرنامج " واحد من الناس " مع الإعلامي عمرو الليثي على شاشة الحياة الفضائية،وكشفت أسرار عن حياتها الشخصية والفنية،  لذلك نستعرض أبرز تصريحاتها في السياق التالي. 

بداية مروة عبد المنعم في الفن 

قالت الفنانة مروة عبد المنعم، إن، بدايتها الفنية كانت تعشق التمثيل منذ الصغر ولكن البداية كانت صعبة جدا، قائلة:" بدأت مشوارالفني من ورا أهلي، وكنت وقتها فى كلية الحقوق وبدأت اشق طريقي في التمثيل ومشاركة بمهرجانات من وراء أهلي،  وقررت بعد الجامعة ادخل معهد فنون مسرحية من وراهم". 
 

رد فعل والد مروة عبد المنعم بعد دخولها التمثيل 

وتحدثت مروة عبد المنعم عن مشاركتها بمسلسل أم كلثوم، قائلة:" المشاركة الأولى لي ووالدى فوجئ بالناس بتقوله بنتك بتمثل فى مسلسل "أم كلثوم "، وكان رد فعله صعب جدًا وجابني من شعرى على السلالم وحبسنى فى الفيلا بتاعتنا فى البلد وقلت أني هانتحر وهربت من البيت روحت لماما فى ميت غمر، وقولت ليهم أنا همثل ومش عاوزه منكم حاجة واشتغلت مندوبة مبيعات فى الشارع علشان أصرف على نفسي ". 

و أشارت مروة عبدالمنعم:" أقنعت بابا أني أكمل فى المعهد قسم أخرج وقولت ليه أنا تعاقدت على  أربع مسلسلات ولو معملتهمش هتحبس، ولم يكن هناك مسلسلات".

مروة عبد المنعم تكشف عن حياتها الأسرية 

وتابعت:" لا اتمنى أن  تدخل ابنتي حور مجال التمثيل علشان مجال متعب جدًا وصعب وهياخد من حياتها كتير ". 

وأضافت: "أنا اتجوزت علشان احصل على استقلالية وأمثل براحتي وزوجي كان موافق عادي".

سر غياب مروة عبد المنعم عن الساحة الفنية 

وقالت مروة عبد المنعم:"عمرى ما رفعت التليفون طلبت أشتغل، وكنت بشتغل كويس وفجأة كل الدنيا وقفت مرة واحدة ومحدش بيبعت لى أدوار خالص الآن، وعملت مشروع المسرح بتاعى ومحدش من زملائى فى الوسط اتصل عليا يبارك لى، والشلالية هى من تحكم الوسط للآسف". 

كواليس مسلسل يوميات زوجة مفروسة 

وعن دورها فى مسلسل يوميات زوجة مفروسة، قالت مروة عبد المنعم، “ النظارات اللى استخدمتها فى المسلسل، كانت بسبب اني لما بعمل شخصية برسم ليها كارتون للشخصية، وكان نظارة الكات اللي طالعة موضة وقتها وكانت داليا البحيرى أيضا لابسه نفس النظارة ورفضت انى البسها علشان ما نبقاش احنا الاثنين لابسينها فى نفس المشهد، وعلشان تصالحنى قالت لى هجيبلك شويه نظارات تانية واختارى منها، وكانت كل موسم البس واحدة جديدة”. 

شائعات زواج مروة عبد المنعم 

وعن إشاعة زواجها من مصطفى قمر قالت، إنها إشاعة وأيضا كانت هناك إشاعة بزواجى من الفنان احمد عزمى، والحقيقة انى لم اتزوج غير مرة واحدة من بابا الاولاد وانفصلنا.