تامر أمين عن شهر مايو: "أحداثه كترت وفلوسه خلصت"
قال الإعلامي تامر أمين، ساخرًا: “شهر مايو مش عايز يخلص، شهر يبدأ ولا ينتهي، الناس كلها بلا استثناء مستنية تشوف يوم 1 يونيو، وبتقول زق معانا شهر مايو، وكأن الناس كلها عاشقة لشهر يونيو وكأنه جنة بسبب طول شهر مايو”.
وتابع “أمين”، خلال تقديم برنامجه “آخر النهار"، المذاع على قناة “النهار”،: “أحداث شهر مايو كترت وفلوسه خلصت وكل حاجة خلصت وهو لسه مخلصش، كل الشهور بتجري ما عدا شهر مايو ماشي زي السحلفة، شهر مايو مريح وواخد نفسه معانا”.
واستكمل: "ما فيه شهور كتير 31 يوم وبتعدي عادي ما عدا شهر مايو، بس إحنا اتعلمنا إن مفيش حاجة بتقف قصادنا وكله بيعدي وبيمر حتى لو كان شهر مايو الجملي، واحد صاحبي قال: يا تعملوا مرتب على قد الشهر يا تعملوا شهر على قد المرتب، ما تيجوا نقيس المرتب على قد حجم الشهر".
