إياد نصار: "غامرت بحاجات كتير في حياتي وأنا عاطفي في قراراتي وبصدق إحساسي جدا"

كشف الفنان إياد نصار، خلال تصريحات تلفزيونية عن سبب اختياره مهنة التمثيل، إلى جانب حديثه عن أموره الشخصية. 
 

وأضاف: "الناس واخدة عني فكرة إني شخصية جادة ومش بضحك، وأنا هلس وبحب الضحك وصحابي القريبين عارفين عني ده". 

 

وتابع: "كنت بمسك ورقة وأنا صغير واكتب إنترفيو معايا وأرد على الأسئلة وكان عندي وقتها 14 سنة، وكل ممثل محتاج يقعد مع نفسه ويشوف هو ليه اختار يكون ممثل".

 

وقال: "اخترت أكون ممثل عشان أنا بحب ألعب، ولأني مش بعرف ألعب كورة ولا بعرف أسوق عجل ومبعرفش أعوم، لعبي دايمًا كان في الخيال والخيال ده دلوقتي بيروح في التمثيل.. بلعب وباخد فلوس".

 

إياد نصار: أنا بلعب وعندي خيال زيادة فمحدش يمسك ليا خيالي

وأكد:" مش بحب الدوشة والقواعد في الشغلانة، ولو أنا مش عاوز أقدم عمل مش هعمله لو مش حاسه، لإن أنا بحب الشغلانة وبحب أمثل، مش مهم بمثل إيه، مش بمثل على مزاجك أو علشان السوق بيقول لازم تكون في الحتة دي، أنا بمثل لإني بحب أمثل وألعب، ومش بحب حد يفرض عليا قواعد ولو حابب الدور وعاجبني هقدمه غير كده لأ، وأنا بلعب وعندي خيال زيادة فمحدش يمسك ليا خيالي".
 

إياد نصار لم يتوقع هذا الشئ

وأوضح:" كنت مستحيل أقول الطلاق هيحصل ومفيش حد لما بيتجوز بيتخيل إنه هيطلق، وهي دي التجربة الوحيدة اللي مكنتش مستعد ليها في حياتي ومكنتش متوقعها ومكنتش متخيلها".

 

إياد نصار:بحاول أصحى بدري وآخد بالي من نفسي 

وواصل: "عاوز أرجع أرسم وأعود إيدي على الرسم، وبحاول أكون شخص صحي شوية وبطلت السجاير، وبحاول أصحى بدري وآخد بالي من نفسي ومحتاج أقرأ شوية وأشوف التجارب الروائية الجديدة والرواية واصلة لفين لإن فاتني كتير".

 

واختتم: "لو هدي نفسي سن معين هيكون 40 سنة لإني بحس إني أصغر من عمري 10 سنين، و40 هو سن النضج وفيه تحول حصل في حياتي لإني هديت". 

 

آخر أعمال إياد نصار
 

والجدير بالذكر آخر أعمال الفنان إياد نصار مسلسل تغيير جو، والعمل ضم عددا كبيرا من النجوم أبرزهم، منة شلبي، شيرين، ميرفت أمين، نبيل علي ماهر، وعددا آخر من الفنانين، والمسلسل من تأليف منى الشيمي وإخراج مريم أبو عوف، وتدور أحداث العمل في إطار اجتماعي.