"مش أول مرة".. ليلى طاهر ترد على شائعة وفاتها
ردت الفنانة ليلى طاهر، على شائعة وفاتها اليوم، قائلة: "أنا كويسة الحمد لله بس هما مش مقتنعين، دي مش أول مرة يكتبوا عني خبر زي ده، دي تالت أو رابع مرة، كل شهرين تلاتة يكتبوا كده"، مستكملة: "أنا كنت الأول بزعل وبعدين بقيت أقول دول هبل ولا إيه، دول معندهومش حاجة يقدموها".
رد فعل الجمهور على شائعة وفاة ليلى طاهر
وتابعت "طاهر"، خلال مداخلة تليفونية مع الإعلامية لميس الحديدي، ببرنامج "كلمة أخيرة"، المذاع على قناة "أون" مساء اليوم الثلاثاء،: "ناس النهاده دوروا على نمرتي في كل حتة واتصلوا يتطمنوا عليا، وناس في نادي الجزيرة اليوم هجموا عليا يحضنوني ويشتموا على اللي كتب كده عليا".
حقيقة عودة الفنانة ليلى طاهر للتمثيل
وعن حقيقة عودتها للتمثيل مرة أخرى، قالت الفنانة،: "أنا بعتز بتارخي جدا، وعشان حب الناس ليا مش عايزة أنزل درجة، ولا أعمل حاجة أقل من مستوايا قبل كده، ولحد دلوقتي مش لاقية حاجة في نفس المستوى مش عارفة بسبب السن ولا بسبب اختلاف الفن".
