عزة مصطفى عن رسائل السيسي بالمؤتمر الوطني للشباب: "ردود واضحة وصريحة"
أشادت الإعلامية عزة مصطفى، بكل الرسائل التي أطلقها الرئيس عبد الفتاح السيسي خلال كلمته في المؤتمر الوطني للشباب.
المصريين جدعان
وقالت "عزة مصطفى" خلال تقديم برنامجها "صالة التحرير" المذاع على فضائية "صدى البلد" اليوم الأربعاء، "النهاردة يوم مهم بكل ما فيه ردود واضحة وصريحة وموضوعية، الرئيس قال أي حد يقدر يحط طوبة ويبني يجي ويشارك أنا هصقف له".
وأضافت "الرئيس قال نقص الموارد والقدرات بتتعوض بالأفكار طول الوقت اللي فات الحاضر المصريين جدعان عارفين يعني ايه دولة ويعني ايه بلد ولحظات خطر تمر بالدولة أو البلد فيبقوا واقفين جنب بلدهم وربنا ما يجيب شدة ولكن دي الحقيقة".
رسائل السيسي في المؤتمر
وتابعت "مطالبنا لها سقف عالي ولكن لحظة الجد تلاقي المصري واقف سند لبلده مش هيسمح لاي حد إنه يقرب لها، ردود الرئيس السيسي والشباب والحوار الوطني في جولة مهمة في محافظتي البحيرة والإسكندرية تفقد مشروعات حياة كريمة بنتكلم في حوار واضح وصريح".
واستطردت "فكرة إنك تبقى رئيس دي شغلانة صعبة ومسؤولية غير طبيعية لا يحسها غير اللي اشتغل في العمل التنفيذي كان كل حاجة موجودة والرئيس اتكلم عن الزراعة والصناعة وحسم مسألة سعر الصرف واتكلم عن الصحة ومشاكلها والتعليم والعاصمة الإدارية".
