حمو بيكا يوجه رسالة خاصة لطلاب الثانوية العامة

وجه المطرب حمو بيكا رسالة لطلاب الثانوية العامة من خلال حسابه الشخصي على موقع فيسبوك.

منشور  بيكا

وكتب حمو بيكا: “بكرة تعتبر بداية الامتحانات النهائية للثانوية العامة، وأنا مش جاي اديك موعظة ولا جاي أعمل شيخ عليك”.

وأضاف: "بس انا جاي اقولك انك اد اي حاجه في الدنيا وتعرف تعمل اي حاجه ما دام عندك إصرار وحلم هتوصل يعني هتوصل، وإن الثانوية العامة مش نهاية الرحلة والمطاف ليكم، وإنما هي بداية الحلم الحقيقي اللي نفسك تحققه.

وختم: “اتعلموا العلم حلو أو ي، العلم بيستر صاحبه، انا لو رجع بيا الزمن كنت اتعلمت واكلت الكتب اكل، ربنا معاكم يا رب وتحققوا كل أحلامكم”.

تصريحات حمو بيكا 

حل مطرب المهرجانات حمو بيكا ضيفًا على برنامج "صبايا الشمس" الذي تقدمه الإعلامية ريهام سعيد، عبر شاشة الشمس.

وتحدث حمو بيكا عن صدمته من تخلي عدد من أقرب أصدقائه في بعض الأزمات التي تعرض لها خلال الفترة الماضية.

وقال حمو بيكا: "مش عايز أتكلم عن الصحاب، ناس كتيرة أكلت معاهم عيش وملح، ولا واحد ساعدني بأي شيء".

وتابع: "كنت بأجر فيلات في الساحل وأدفع 15 ألف جنيه في اليوم وأكل وشرب على حسابي، ولما اتوقفت إتخلوا عني، وعمر ما واحد خبط وقال ناقصك إيه".

وكشف حمو بيكا عن تعرضه لتهديدات من أحد أصدقائه بسبب حاجته للمال قائلا: "أنا مستهدف والناس مركزة معايا وعايزين ياكلوني، وفي ناس لو تطول تموتني".

ومن ناحية أخري، علق حمو بيكا خلال اللقاء على مقاطع الفيديو التي انتشرت له، من احتفاله بعيد ميلاد زوجته، حيث قام بإهدائها قلادة ذهبية كبيرة ومشغولات ذهبية أخرى قائلا: "الناس فاهمة إن الحياة كلها ذهب، زي ما قالوا إني عملت عربيتي بالذهب، أنا معايا كام علشان أكسي كل العربية بالذهب، ده ورق اسمه ورق عيار 24".

وأضاف: "السلسلة مش كيلو، كيلو الذهب بأكثر من مليون جنيه والمبلغ ده مش معايا، ومراتي بنت ناس كويسين وأهلها مبسوطين، وجاية من عند أهلها عندها ذهبها وحاجتها، ومن قريب إديتني ورثها، أخذته منها واشتريت لها السلسلة بيه، وأصبحت ملكها".