ميمي جمال: 'أمي يونانية وأسمي الحقيقي أمينة
في تصريحات خاصه للفنانه ميمي جمال قالت أن والدتها يونانية اسمها ستلا وابوها مصري اسمه مصطفى، وانا اسمي امينة مصطفى جمال.
ميمي جمال: اسم ميمي يعود للمخرج عز الدين ذو الفقار
و اضافت ميمى خلال لقاءها مع الإعلامى دكتور عمرو الليثى بيرنامجه واحد من الناس على شاشة الحياة، ان المخرج عز الدين ذو الفقار هو اللى اختار لى اسم ميمى وكنت لسه طفلة صغيره وكان في فيلم للاستاذة شادية اسمه اقوى من الحب، وناس قالو لي روحي عمارة الايمبوليا اقابل المخرج وقالي انا عاوز طفلة تعيش سنها لا تغنى ولا ترقص.
و تابعت إنه ا من مواليد شبرا ولديها اخ واحد فقط وعائلة صغيره جدًا انا وبابا وامي واخويا وجدتى وبعد كده حسن الله يرحمه.
ميمي جمال: وفاة حسن مصطفي قسمت ضهري وتركت التمثيل وجلست ٦ سنوات فى البيت
و انا بعد ما حسن توفى أنا قعدت ٦ سنوات فى البيت وبطلت كل حاجة، ورجعت للتمثيل تاني وحسيت كأني لسه وجه جديد، وحسيت ان الوسط الفنى اتغير.
واشارت إلى ان زوجها الفنان الراحل حسن مصطفى كان طيب جدا وبيحب اولاده جدا، وكان يعطيك النصيحة مجرده، وكان دائم التعبد والصلاة، وانا بعد وفاته حسيت ان ظهرى اتقسم.
و اضافت ان بناتها تزوجوا وخلفوا واصبحت جدة عندى ٣ احفاد بنتين وولد واختتمت كنت سعيدة جدا في فرح حفيدتي بس افراح دلوقتى غير افراح زمان خالص العريس والعروسة والمعازيم تنطيط طول الفرح.
