أمير كرارة: أنا مش عبقري تمثيل وفيه أحسن مني مليون مرة

عبر الفنان أمير كرارة عن سعادته الشديدة للنجاح الكبير الذي حققه في مسلسل الاختيار1، بعد أن جسد السيرة الذاتية لـ الشهيد أحمد المنسي، قائلا: الاختيار1 كان تجربة عظيمة، ولغاية دلوقتي المنسي معايا في حتة تانية خالص، والمنسي نفسه غير في شخصيتي وطريقتي مع الناس في الكلام، وأثر فيا بشكل غير طبيعي.

أمير كرارة: ابن المنسي كلمني في المشهد اللي اغتال فيه

وإضاف كرارة: وجالي تليفون في آخر حلقة اتبسط بيها وقلبي وجعني، ابن المنسي كلمني في المشهد اللي اغتال فيه، وقال لوالدته تخيلي لو عمل كده، وصل لمرحلة إن هو بيتفرج حاسس إن عامل حاجة كويسة، وكان معانا في اليوم ده اتنين من المعركة وحضروا التصوير، وكان بيقولنا عملنا إيه بالظبط، ومشهد محدش يطلع ورايا مكنش مكتوب، ولحد النهارده العساكر بتقولي يا قائد، والداخلية بتقولي باشا مصر، وكلهم حبايبنا.

أمير كرارة: شنبي بطل في حياتي

 

وواصل أمير كرارة: النجاح الكبير في الاختيار ينسب لأحمد المنسي مش لأمير، والدور كرم وهدية من ربنا، وأنا مش عبقري تمثيل خالص في أحسن مني مليون مرة، بس هو ربنا إداني الدور ده أنا، عايز إني يحصلي كده، وكان أي حد ممثل كبير أو صغير أو لسه بيبدأ كان هيحصلوا اللي حصل لأمير كرارة.. الشنب بطل في حياتي، وأنا شكرته قبل كده ساعة كلبش مع إن الشنبات كتير معرفش ليه الشنب بتاعي علق مع الناس، وحسين المنباوي مخلنيش أركب شنب في سوق الكانتو، وشيلت من الشنب كل شوية حتة علشان أعرف أخرج بيه في الشارع.

أحدث أعمال أمير كرارة

ومن ناحية أخري، شارك أمير كرارة في فيلم البعبع بطولة أمير كرارة، ياسمين صبري، باسم سمرة، ومحمد عبد الرحمن توتا، ومحمد أنور، إنعام سالوسة، رحاب الجمل، عباس أبو الحسن، والعمل من تأليف إيهاب بليبل، وإخراج حسين المنباوي.

 

آخر أعمال الفنان أمير كرارة في الدراما

وجدير بالذكر ان آخر أعمال الفنان أمير كرارة هو مسلسل سوق الكانتو، الذي شارك في السباق الرمضاني الماضي  وحقق المسلسل نجاحا كبيرا، وشارك في بطولته مى عز الدين، فتحى عبد الوهاب، أحمد صلاح حسنى، مها نصار، عبد العزيز مخيون، محمود البزاوى، شيرين، ندا موسى،  تامر نبيل، ثراء جبيل، سلوى عثمان، ضياء عبد الخالق، أحمد التهامى، شريف ادريس وعدد آخر من الفنانين، تأليف هانى سرحان وإخراج حسين المنباوى وإنتاج شركة سينرجى

آخر أعمال امير كرارة السينمائية

كما كان آخر أعمال امير كرارة السينمائية هو فيلم كازبلانكا وقد طرح في دور العرض السينمائية عام 2019، وشارك في بطولة العمل مجموعة من النجوم أبرزهم أمير كرارة، محمود حميدة، غادة عبدالرازق، غادة عادل، محمود حجازي، لبلبة، عمرو عبدالجليل، إياد نصار، أحمد داش، وحقق الفيلم أكثر من 80 مليون جنية في دور العرض السينمائية وقت طرحه.