"كفاية افترى".. كريم فهمي يحذر متابعيه من جروب مجهول
نشر الفنان كريم فهمي منشورا، عبر حسابه الشخصي على موقع فيسبوك يستنكر فيه جروب مجهول ينشر أسرارا عن زوجته.
وكتب فهمي قائلا: "احنا رجعنا من بره مصر في العيد لقينا في جروب تبع حد بيكتب كلام علي مراتي كذب وافتري … طول عمر مراتي ملهاش علاقه بالوسط الفني ولا بالمشاكل وحتي علاقتنا الاسريه كلها السابقه كلها احترام من جميع الاطراف.
وتابع: "مجانين السوشيال ميديا ومجانين شراء الفولورز دخلونا فيها، حسبي الله ونعم الوكيل.
واختتم: "انا اسف اني برا، ارجو محدش ليه دعوه بينا وخلينا في حالنا زي ما احنا طول عمرنا ومتدخلوناش في مشاكل ملناش دعوه بيها ونبقي كبش فدا مع احترامي للجميع بس كفايه عبث، انا مكنتش ناوي ارد عشان عيب بس كفايه كده … اتمني تكون الرساله وصلت.
كشف الفنان احمد فهمي، سر عدم حضور شقيقه للعرض الخاص لفيلمه الجديد مستر إكس، وذلك بعد انتشار شائعة خلافهما مؤخرا.
وقال احمد فهمي، خلال لقاءه مع رؤيا مصر، "اخويا كريم حاليا في باريس وهتلاقيه بكرة منزل صور عنده، ومفيش اي مشاكل بينا"
وأضاف أحمد فهمي، انا محضرتش الفيلم الأخير لكريم اخويا بسبب تواجدي في ايطاليا.
كما تحدث احمد فهمي، عن تفاصيل مستر إكس، والفرق بينه وبين الفيلم الشهير لنجم الكوميديا الراحل فؤاد المهندس، قائلا: "الفيلمين مختلفين تماما ولا يوجد اي شبه فيلم فؤاد المهندس كان اسمه اخطر رجل في العالم، والاكس في فيلمي بتنطبق علي اكس بوي فريند أو اكس زواج "
وتابع أحمد فهمي: واضح جدًا أن العملين مختلفين وظهر هذا في الاعلانات الدعائية للعمل، وفكرة فيلمي ان مجموعة رجالة بيلجأوا لإكس علشان يخلعهم من مراتاتهم.
وكان تحدث الفنان أحمد فهمي، عن فيلمه الجديد مستر إكس، مشيرًا إلى أنه استغرق عام ونصف لتحضيره، متمنيًا أن ينال إعجاب الجمهور.
وقال أحمد فهمي خلال لقاء صحفي: إن شاء الله الفيلم يعجب الناس، ويعجبهم المجهود المبذول فيه، الفيلم بنحضرله وبنصوره بقالنا سنة ونص، اهتمينا بكل تفاصيله.
وأضاف: الفيلم كان صعب جدا في تنفيذه، لكن الكواليس كانت حلوة عشان كلنا أصلا أصحاب حتى لو اليوم والمشاهد صعبة.
..
