تامر هجرس: كل حاجة نفسي فيها عندي.. والعلاقة بين الزوجين لازم تكون قائمة على الصداقة
تصدر الفنان تامر هجرس تريند محركات بحث جوجل نظرا لظهوره في لقاء ببرنامج أسرار النجوم، الذي يذاع على محطة راديو نجوم إف إم، وتقدمه الإعلامية إنجي على وتحدث تامر، عن ملامح وتفاصيل شخصيته، وغيرها من الأمور.
تصريحات تامر هجرس في أسرار النجوم
وقال تامر هجرس: شخصيتي المؤمنة هي اللي محتفظ بيها طول عمري، لأن صلة العبد بربنا مهمة جدا، وأنا شخص ديموقراطي في كل حاجة في حياتي وحتى مع بناتي الإقناع مهم ليهم وتوضيح كل شيء في حياتهم.
أما عن الشائعات التي يتعرض لها من وقت لآخر قال تامر هجرس:" أنا بحب الإشاعات اللي بتطلع عليا، بتبقى لذيذة ومسلية وهي ضريبة الشهرة".
تامر هجرس: كل حاجة نفسي فيها عندي
وأضاف: "رمضان بالنسبة ليا عبادة ورياضة ومقابلة أصدقائي، وبالنسبة ليا القرآن والصلاة نوع من التأمل، بحيث تاخذ وقت لنفسك بعيدا عن أي زحام في المخ وعقلك مركز بس في الصلاة والعبادة وكأنك بتغسل نفسك، وتخرج بني آدم تاني".
وتابع: "ومهم الإنسان يكون له وقت لنفسه وينضف روحه عشان يدي طاقة حلوة للي حواليه، والحمد لله كل حاجة أنا نفسي فيها عندي، وأنا مكتفي بكل الحاجات اللي في حياتي وعايز يكون عندي قناع ورضا ودايما مكتفي وقريب من ربنا وبس، وأي حاجة تيجي إضافة فهي خير وبركة من عند ربنا".
تامر هجرس: الرجل الشرقي لازم يحب زوجته ويفتخر بها ويعليها دايما
وقال من المهم تكون العلاقة بين الرجل والست قايمة على الصداقة، ويكون فيه صراحة بينهم، الرجل الشرقي لازم يحب زوجته ويفتخر بها ويعليها دايما، ولكن الغيرة هي عدم ثقة في النفس أو الغير".
وأكد: "فعمري ما أحطها في موقف هي تغير لأني واثق من نفسي والعلاقة بيننا، وزوجتي متفهمة طبيعة شغلي وتواجدي في أي مكان والناس بتيجي تتصور معايا".
