عمرو مصطفى مطلوب على جوجل لهذا السبب
تصدر الملحن والمطرب عمرو مصطفى تريند محركات بحث جوجل نظرا لظهوره في لقاء ببرنامج حبر سري، والذي تقدمه الإعلامية أسما إبراهيم.
واستطاع عمرو أن يخطف أنظار الجمهور من خلال غنائه أغنية سيبوه، وتحدث عمرو عن علاقته بالكينج، مفاجأة بشأن موسيقى ويجز الجاهزة، وغيرها من الأمور.
كما أعرب المطرب والملحن عمرو مصطفى عن حبه الشديد لـ الكينج محمد منير، كاشفًا تفاصيل الأغنية الوطنية الجديدة التي ستجمعهما قريبا.
وأضاف: "أنا بيج فان لمحمد منير، وأول مطرب أحضرله حفلة ويشدني، وبينا أغنية هتبقى لمصر، وهو زعلان مني كمان لإني لسه مخلصتهاش".
وتابع:"أنا مبدع والمطرب مجرد آداة".
وقال: "مليش علاقة بالغرور ولا النرجسية وأنا بس بدافع عن نفسي عشان محدش يأذيني، لو عليا مش عايز أجيب سيرة حد أنا بحب شغلي، ناس كتير أوي بتزعل أو بتضايق".
وعن ذهابه لطبيب نفسي، رد عمرو مصطفى: “أكيد طبعا حد من المقربين نصحوني أزور طبيب نفسي، ولو أنا نرجسي هقول كده؟، كتير قالولي إني لازم أروح لدكتور نفسي، ولما روحت لدكتور نفسي بقيت هي تحكيلي عنها وعن مشاكلها وتقريبا عايزاني أكون أنا الدكتور”.
عمرو مصطفى: مش هتنازل عن حقوقي
وأكد: "حبيبي اللي يعاملني باحترام ويبقى فاهم كويس أوي، أنا عايز أطلع منتج محترم واللي مياخدش حقوقي وميستغلنيش حبيبي اللي يحبني من غير مصلحة، نوال الزغبي بتكلمني على طول ومصطفى ناصر، وفيه كتير بيسألوا عني من الآخر أنا مش هتنازل عن حقوقي لو تنازلت عن أغنية هتنازل عن حقوقي".
