بالدليل.. رامي صبري يرد على عمرو مصطفى بتاريخ تلحينه لأغنية "يمكن خير"

خرج الفنان رامي صبري، عن صمته على حذف أغنية "يمكن خير" من موقع الفيديوهات الشهير "يوتيوب" حيث خرج رامي صبري بفيديو عبر صفحته الرسمية بموقع التواصل الإجتماعي "فيسبوك".

 وكشف رامي صبري بالمستندات، أنه قام بتسجيل أغنية "يمكن خير" في شهر أكتوبر عام 2019، وقد قال رامي صبري خلال الفيديو أنه سوف يقدم هذا المستند إلى إدارة موقع "يوتيوب".

تعليق رامي صبري على الفيديو

ونشر رامي صبري، الفيديو وعلق عليه قائلًا: "بالدليل يمكن خير لحن رامي صبري، أي حد يقدر يوقف أي أغنية يوتيوب لحد لما يوتيوب يتأكد إنه ا ملك صاحب الأغنية. بس ردينا بالڤيديو علشان كمان الجمهور يعرف ويتاكد اننا مابناخدش لحن مش بتاعنا ونكتب عليه اسمنا..محاربه النجاح مش الحل.. الحل إنك تشتغل علي نفسك وتركز في شغلك وتعمل جديد علشان  الجمهور يستمتع مش تحارب النجاح. يمكن خير من ضمن نجاحات رامي صبري وليست أولها ولا آخرها. ربنا يهدي الجميع ونركز في صناعة الموسيقى بدل ما نهدها. شكرًا لحضراتكم".

حذف عمرو مصطفي لـ أغنية يمكن خير من يوتيوب

فاجأ الملحن عمرو مصطفي جمهوره وجمهور الفنان رامي صبري بخبر حذفه لأغنية يمكن خير من موقع الفيديوهات الشهير "يوتيوب"، وجاء هذا بعد اتهامه مؤخرًا بسرقته ألحانها من أغنيته "رقصة".

ولم يكتفي عمرو مصطفي بذلك بل إنه قد خرج في تصريحات صحفية قائلًا: "اتجه غدًا لرفع دعوى أثبت من خلالها حقي في اقتباس رامي صبري لألحان أغنية يمكن خير من أغنية رقصة، مشيرًا إلى أنه سيطالب بتعويض عن ذلك الإقتباس".

أزمة عمرو مصطفي ورامي صبري

بدأت أزمة عمرو مصطفي ورامي صبري منذ طرح أغنية يمكن خير وبدأ عمرو مصطفي يتهم رامي صبري بسرقة اللحن من أغنية رقصة، وقد تجدد الموضوع مرة أخرى عندما ظهر عمرو مصطفي في برنامج حبر سري وجدد اتهامه لـ رامي صبري وقد طلب من رامي صبري أن يظهر فيديو يبين فيه تاريخ تسجيل اللحن.

ومنذ أيام قليلة ظهر رامي صبري في برنامج "أجمد 7" وعلق على هذه الأزمة قائلًا: "مينفعش يتهمني بسرقة اللحن لأن هو توارد أفكار، وأنا بصفتي خريج معهد الموسيقى العربية قسم تأليف موسيقي وهو خريج حقوق، فأنا عارف كويس اللي بقوله، يعني الأستاذ لما يجي الطالب يتكلم معاه مش هنتساوي، لو أنا عندي مشاكل نفسية مكنتش خليتك تغني تاني، بس عشان انا مهذب ومحترم ومتربي كويس هعديها واكبر دماغي عشان مراته ست محترمة، وولاده زي ولادي".

وتابع قائلًا:" هو عمرو مصطفي كدة لما بيغير من نجاح بيطلع يخبط في الناس، مفيش حد فينا عجبه خالص وكلنا واقعين وبنعمل أغاني وحشة وكلنا أغانينا مسروقة منه".

تفاصيل أغنية "يمكن خير"

الجدير بالذكر أن أغنية "يمكن خير" تنتمى إلى نوعية الأغاني الدرامية الحزينة، وأغنية "يمكن خير" من كلمات أحمد على موسى ومن ألحان رامي صبري وتوزيع وميكس ماستر طارق توكل.

كلمات أغنية "يمكن خير"

وتقول كلمات الأغنية:-

ولا وقته اننا نتحاسب ولا وقته إني ألوم ولا اعاتب
إيه إيه هيفيد

على اد ماقلبي وجعني وانا شايفك جاي تودعني وماشي ماشي بعيد
يمكن خير
ومين يندم على اللي يبيع سنين ويهد أحلامه في يومين ويبيع اوام
هنساك واعيش واهو حب راح وخلاص مفيش لهواك مكان ميهمنيش
خلص الكلام
ولا وقته اننا نتحاسب
يمكن خير عشان كان لازم ابعد من زمان
انا وانت ميسعناش مكان والبركة فيك
موضوعنا مات مبقاش خلاص في معجزات وبلاش نقلب في اللي فات راح عليه.