ياسمين عز تستضيف نوال صاحبة أغنية "مخاصماك".. غدًا الجمعة

تحل المطربة نوال ضيفة على برنامج "كلام الناس" الذي تقدمه الإعلامية ياسمين عز على قناة إم بي سي مصر يوم غدًا الجمعة في الساعة السادسة مساءا، ومن المقرر أن تتحدث نوال عن نجاح أغنيتها الأخيرة "مخاصماك" حديث السوشيال ميديا مؤخرا، كما تحمل الحلقة عدد من المفاجئات.

كلمات أغنية مخاصماك

وتقول كلمات أغنية مخاصماك: انت لو كنت بتهتم انت لو كان عندك دم
انت لو بتحس يا عم
هتعرف ايه اللي مزعلني
ما انت لو كنت بتهتم
ومالي عنيك كنت هتتلم
انت لو كنت بتفهم
ما تزعلنيش وتدلعني

مخصماك
وابعد عني أنا مش طيقاك
سيبني مش عايزة ابقا معاك
ما تورينيش وشك تاني
مخصماك
مجنون بجد أنا مش فهماك
مش عايزة عيني تكون شايفاك
ولا اسمع صوتك في وداني

عينك رايحة ورا اي بنت
وانا مش شاكه ده انا اتأكدت
وبتشتكي لو جيت نكدت
والناس تقول غلبان يا حرام
شكلك عاوز علاقتنا تبوظ
وبتشتكي من لوي البوز
مش هتصالح غير وقت ما اعوز
ما تجيش تجر معايا كلام

مخصماك
وابعد عني أنا مش طيقاك
سيبني مش عايزة ابقا معاك
ما تورينيش وشك تاني
مخصماك
مجنون بجد أنا مش فهماك
مش عايزة عيني تكون شايفاك
ولا اسمع صوتك في وداني

انت حد ما عندوش قلب
اركن العشرة دي على جنب
ده انت نص كلامك كذب
نفسي بقا تبطل حوارات
انت ملك اللامبلاة
انت حد تعبني معاه
واحد ماشي يرمي وراه
ماشي بمبدأ عدّى وفات

مخصماك
وابعد عني أنا مش طيقاك
سيبني مش عايزة ابقا معاك
ما تورينيش وشك تاني
مخصماك
مجنون بجد أنا مش فهماك
مش عايزة عيني تكون شايفاك
ولا اسمع صوتك في وداني

آخر أعمال نوال عبد الشافي

وطرحت مؤخرا نوال أغنية "عينك" وتخطت تحقيق أكثر من 2 مليون مشاهدة على موقع الفيديوهات الشهير يوتيوب، وتقول مقطع أغنيتها بركاتك ياللي عينك واسعة، كرماتك هلت اهي وطالعة، خمسنا وبرضه مافيش فايده والخرزه الزرقا دي مش نافعه، بلسانك قولت إنه ا والعه، وحياتك الدنيا بقت واقعه، جرا ايه هو احنا مافيش غيرنا ما الدنيا اهي قدامك واسعه، عينك عينك هنروح فين من عينك، شيل عينك من علينا حبه ده انت بتحسد عيني عينك، عينك عينك مانخافش غير من عينك، لو حاجه قدامك وسايبها بناخدها بتحلو في عينك، عرفينك ياللي بتحسدنا وبشايرك بانت اهي يا سيدنا، عينك باصه على اللي معانا والكحكه بقت عجبه في ايدنا، ماتريح ياللي انت ناظرنا ماتروح ده احنا على اخرنا، ماسكين في الخشبه ومن خوفنا رشينا الملح وبخرنا.